صباح الخير ياحلى فتوكات انا عملت فراخ امبارح وعجبت جوزى اوى وقلت لازم اقلكم الطريقة المقادير : علبة زبادى وركين فراخ بصل وثوم فلفل اخضر طماطم جزرة ليمونة وخل وشوية زيت بهارات ( ملح فلفل كمون بهارات فراخ ورق لورى حبهان قرفة جوزة الطيب قرنفل ) الطريقة جبت الكبة وحطيت فيها كل المكونات الزبادى مع البصل والثوم والطماطم والفلفل والجزر والبهارات والليمون والخل وضربتهم كويس وجبت الصينية الى هعمل فيها الفراخ وحطيت فيها الوراك وقعدت اكسر العضم بالسكينة واغرز السكينة فى اللحم والعضم وحطيت عليهم الخلطة دى لو كان عندك وقت حطيها فالتلاجة قبلها بساعة ولا حاجة ولو مفيش عادى ولعى الفرن وحطى الصينية وهدى عليها من فوق ومن تحت وسيبيها براحتها بقه تستوى لما تستوى وتاخد وش كده وتحمر حل جيبى حتة فحماية وولعيها على الشعلة لغاية ماتحمر خالص وحطيها فى وسط الفراخ وحطى عليها نقطة زيت عشان تطلع ريحة الفحم وغطى عليها بسرعة وسيبيها شوية وبعد كده حطيها فطبق التقديم وبالف هنا جوزى عجبته اوى قالى ريحة الفراخ فظيعة وريحتها كانت تحفة مواضيع هذا القسم برعاية بريق السماء 2024 بريق السماء 2024 فتكات نشيطة Fatakat 1063072 كفر الشيخ – مصر
