كان يا مكان يا سعد يا اكرام فتوكه جميله نايمه وبتحلم احلام سعيده وفجاه فتحت عنيها لقيت نفسها اجمل عروسه وفارس احلامها جايلها بس اكيد مش على حصان ممكن يكون راكب عربيه وطبعا فضلت العروسه فتوكه تفكر اعمل ايه وارتب نفسى ازاى انا قلت اوفر عليكى يا فتوكه وانظملك حاجتك طبعا اتحدد ميعاد قراءه الفاتحه وبتبقى مناسبه بسيطه مش محتاجه اى حاجه يعنى يا قمره هتلبسى حاجه سيمبل اوى بس فى نفس الوقت تليق مع مناسبه انتى فيها الاميره مهما كانت المناسبه صغيره يعنى عندك فستان شيك وسيمبل البسيه عندك تايير شيك البسيه بلوزه لونها يفرح كده البسيها ومكياج هادى وخلاص الحمد لله قرينا الفاتحه هنستعد للخطوه اللى بعدها يلا بينااول حاجه طبعا هتعرفى ميعاد خطوبتك امتى ويا ترى هتعمليها عائليه فى البيت ولا هتعزمى ناس كتير وتعمليها بره ولا ممكن تكون عائليه بس البيت ضيق ممكن ساعتها تعمليها بره وبيبقى اسمها ريسبشن وبتتعمل فى مارشال الجزيره وفى السلاملك واكيد اماكن تانيه بس هى عموما بتبقى عائليه جدا يعنى حفله صغنونه وعشا وخلاص ممكن بتبقى ساعتين او 3 بس لازم تحددى بالنسبه لو كانت عائليه وفى البيت ممكن تختصرى الموضوع وتوفرى يعنى ممكن تجيبى فستان بسيط سواريه عادى وينفعك بعد كده برضه وممكن كمان تعملى ميك اب سواريه لنفسك وده سهل اوى اشترى ميك اب سواريه واعمليه لنفسك طبعا اعملى بس شويه ماسكات قبل الخطوبه بيوم وهابقى انزلكم شويه ماسكات حلوه اوى وبالنسبه برضه للفه الطرحه لو هتبقى محجبه اكيد مفيش بنوته مش بتعرف تعمل اسبانش على فكره والله الاسبانش مالوش قاعده معينه انتى اى لفه اعمليها والله بيطلع لها شكل حلو اوى وطبعا هتشترى الطرح التل اللى عليها جليتر وسعرها رخيص جدا وهتلاقيها فى الجلاء كتيره وطبعا الميك اب هناك برضه لكن لو هتعملى خطوبه كبيره شويه بره عندك كوافيرات كتيره كاسيليا وده فى شارع الترعه من ناحيه الدفاع المدنى امام المصريه اوتو كار وعندك برضه بيوتى ليه فرعين واحد امام كليه الاداب وواحد جنب مارشال الجزيره وفى كوافير هير ستايل فى شارع الترعه وجونتنياس فى برج السوسن وفى ماجيك او ماجيستك مش فاكره بس هو فى شارع نادى الشرطه فى توريل وفى اتش لابتش جنب كابيتشينو اللى فى مشعل نيجى بقى للفستان شارع الترعه مليان اتيليهات ومنها تقريبا 3 لخفاجى ولو هتفصلى وعايزه تفصيل تحفه واسعار كويسه فى اتيليه اسمه العربى فى مدينه السلام وده بيعمل لسواريه اللى على المشايه وعندك برضه على المشايه محلات ويدنج وسواريه ورودى واتنين تانيين كمان مش فاكراهم اوى بصراحه بس نصيحه ممكن تعملى الفستان سيمبل بحيث ينفعك بعد الفرح ممكن تحضرى بيه اى مناسبه وطبعا عايزه تختارى التصوير عندك فايق فى شارع الجمهوريه وفى هيلتون ليه فرعين واحد فى المختلط والتانى جنب مارشال الجزيره وهو على فكهر بيصور جوه مارشال يعنى ممكن تكتفى بتصويره فى القاعه وعندك كمان ستوديو الوزير جنب مسجد الجمال وفى ستوديو القصر ورا كليه اداب وسمعت كتير انه حلو اوى وطبعا الشوز بتاعك برضه ممكن تستفادى بيه لان باختصار حس اللون بتاع الفستان لو كان من الالوان الناريه يبقى تجيبى شوز دهبى وبرضه ممكن تستفيدى بيه بعد كده ولو فستانك من الالوان البارده هيبقى الشوز فضى ها نكمل metsy metsy فتكات رائعة Fatakat 161550 مصر – مصر
