بصوا بقي انا عن نفسي تعبت وزهقت من كتر الرجيم الي عملته في حياتي بس المرادي في عندي اراده جامده جدا وخصوصا اني هتجوز قريب المهم انا قولت لازم اخس يعني اخس حتي لو هموت بقي فطبعا روحت لدكتور رجيم وعملت معه نظام خسسني الاسبوع الي فات 3 كيلو هو نظام ساهل جدا وتحفه وتاكلي فيه كتير وتخسي بردوا واداني دوا اسمه رجيماكس تاخدي واحده قبل الغدا المهم مش هرغي اكتر من كده النظام اهو :
الفطار ثابت كل يوم
نصف رغيف سن + بيضين مسلوقين + طماطم + شاي باللبن
او توست وعليه جبنه دايت ونسكافيه
بعد الفطار بساعه تاخدي ثمره فاكهه
الغدا بقي اختاري من دول
نصف رغيف بلدي + سلطه + ربع فرخه مسلوقه او مشويه او 2 سمكه مشويه او قطعه لحمه مشويه او 2 بيضه مسلوقه او طبق خضار مسلوق
بعد الغدا بساعه او ساعتين تاخدي ثمره فاكهه
العشا بقي 2 زبادي و 2 ثمره فاكهه
طبعا مش تنسوا بعد كل وجبه شاي اخضر بالنعناع بينزل والله البطن جامد
وياريت تدعولي ربنا يهدي خطيبي وربنا يباركلي فيه لاني محتاجه دعوتكوا اوي وشكرا ليكوا يا قمر ويارب تخسوا زي
انا لما ارجع النهارده هكتبلكوا النظام الجديد
ana_to0o0ota ana_to0o0ota 373298_1.gif فتكات متميزة Fatakat 373298 alex – egypt
