حبايبي الفتوكات الحلوين
النهاردة جيبالكم
طرق سهلة
لتخليل الزيتون الاسود والاخضر والليمون
الزيتون الاسود
والطريقة استفدت من العضوة الكريمة ..ام حبيبة ربنا يكرمها
الكمية اللي تحبيها نغسلة كويس ونصفية من المية وننقعة في الملح 5 ايام ونشوكة بالشوكة من الجنبين وبعد الخمس ايام نغسلة بماء ساخن ونصفية وبعدين ننقعة في ماء ساخن جديد ونحط ملح حسب الرغبة ونصف كوب خل وربع كوب زيت ونغطية كمان خمس ايام
ودوقية لو لسة مش استوي سبية يومين كمان ودوقية
وكلي منة احلي زيتون اسود نضيف من غير اصباغ
الزيتون الاخضر
2 كيلو زيتون اخضر سواء عزيزي او تفاحي بس التفاحي يا دوب اسبوعين وتكلي منة علشان سريع في السوا ونحضر حزمة كرفس ربع كيلو فلفل حامي ربع كيلو جزر نصف كيلو ليمون وممكن نضيف عصفر بيدي لون وطعم جميل وكمان ممكن نضيف 3 فصوص توم وناخد كل دة وعلي الكبة ونحط طبقات من الزيتون والخلطة
ونزود بعد كدة مية بملح ولو عايزة الزيتون يستوي بسرعة
نزود نصف كوب خل وقشر الليمون علي الوش والقليل من الزيت ونقفل البرطمان
الليمون المعصفر
نحضر كيلو ليمون
ونسلقة في ماء نصف سلقة ونغير علية المية يومين
ونسلق فلفل اخضر نصف سلقة يادوب ننزلة في ماء ساخن دقيقتين ونطلعة ونرص في برطمان الليمون والفلفل والعصفر وكمان حبة البركة وشوية مية بملح والقليل من الخل ونقفل علية تلاتة ايام وكلي احلي ليمون
ماتنسوش التقييم احبابي
ام محمود مستعدة لاي سؤال
ابعتولي حبايبي ….مستنياكم
مواضيع هذا القسم برعاية
ام محمود123 ام محمود123 546601_2.gif فتكات رائعة Fatakat 546601 القاهره – مصر
