بقالى كتير ما نزلتش مواضيع فى القسم الجميل ده
انهارده عملت لكم كفته باذنجان مدخنه
طعمها حلو قوى والتدخينه اللى فى الطعم بتزيدو جمال
طبعا هو طبق جانبى يمشى جنب مكرونات او كمقبلات
مع انى ساعات بحطه فى سندوتش وبيبقى حلو اوى
الوصفه حصرى يا قمرات
نبدا بسم الله
باذنجانه شويتها على البوتاجاز وبعد ما تستوى غطيها وهى سخنه عشان تبقى سهله فى التقشير
بيضه
بقدونس مفروم
ملح وفلفل وكمون وثوم بودر
بقسماط مطحون والابيض اللى عليه ده معلقه صغيره كربوناتو بتاع الطعميه او بيكنج باودر يمشى برده
ودى المقادير سوا
الطريقه
بافتح الباذنجان من النص وافضى قلبها بمعلقه كده
وبعدين باضيف المكونات بص طبعا باحرص ان البيضه اضيفها يكون برد شويه لحد ما احصل على عجينه سهله التشكيل
والصور هتوضح
طبعا باشكلها صوابع زى اى كفته واسيبها فى الثلاجه ربع ساعه تشمع
وبعدين اقلى واطلع على ورق ابيض يشرب الزيت الزياده
ونقدمها بالف هنا وشفا
والله يا بنات طعمها ظريف جدا ومغذيه يا رب تجربوها وتعجبكو
(تطبيق الفتوكات القمرات)
مواضيع هذا القسم برعاية
ام حور كاتى ام حور كاتى 450855_13.gif مشرفة الموقع Fatakat 450855 القاهره – مصر
