ازيكم يا بنات
صباح الخير
انا النهارده عملالكم حاجه بسيطه بس فى نفس الوقت مهمه اوى
طبعا كتير مننا بنرمى كل يوم والتانى لايقل عن تمن كيلو جبنه
اواكتر او اقل
بسبب انها بتنشف فى التلاجه فى حاله ان مايكونش معاها شرش
وده غالبا اللى بيحصل
لاننا بنجيب الجبنه فى طبق فل من غير الشرش بتاعها طبعا
ولو طلبتى شويه شرش من البقال زى الشحاتين كده يقوم يبرقلك كانك هتاخدى منه شويه دهب هههههههههههههههه
فانا بقى عملت تعديل بسيط للجبنه اللى نشفت دى بدل ما نرميها خساره برضه مهما كان
وعلى فكره الطريقه دى او اوالوصفه دى تنفع مع اى نوع جبنه انتى ناويه ترميه هههههه
وتنفع كمان مع الجبنه القريش
بس بصوا الجبنه القريش بالذات انا بعاملها معامله خاصه لانها بتحمر او بتصفر بسرعه وريحتها بتغير بسرعه جدا طبعا انتوا عارفين الكلام ده
يعنى لو عندك كميه كبيره منها
فرزى شويه الاول منها فى كيس فى الفريزر
وبعدين اعملى اللى انا عملته ده فى الباقى هتبقى زى الفل برضه
طيب تعالوا بقى ندخل فى الموضوع والصور هتوضح اكتر باذن الله
ادى حته الجبنه اللى كنت هرميها كالعاده ههههههههه
ده بقى طبق المكونات بتاعاتها اللى هنعدلها بيه
شوفو البساطه
طمطمايه وفلفلايه مخلله وفلفلايه خضرا وشويه زتون
بس كده
انتى اول حاجه
هتضربى الطمطمايه مع الفلفل المخلل فى الكبه
بالمنظر ده
وبعدين هتصفيهم كويس
عشان تبقى جبنه كريمى وناعمه جدا فى الاخر
اوك لحد كده
تانى حاجه
هتحطى معلقه زيت بس على الجبنه ومتكتريش من السوائل عشان تمسك نفسها فى الاخر
ومتنسيش ان الطماطم والفلفل لسه هينزلوا ميتهم
وبعدين هتحطى الطماطم والفلفل اللى ضربتيهم من شويه على الجبنه ام زيت
وتضربيهم كويس لحد ما الجبنه توصل للشكل ده
اهه كمان
بس يا ستى
الموضوع انتهى على كده
شوفتى وصفه ابسط من كده بقى ؟
وبعدين هتجيبى طبق الفل ده
وتحطى فيه الجبنه
وبعدين انا قطعت الفلفلايه الخضرا مع الزتون بالشكل ده
وقومت رشاهم على الجبنه بالمنظر ده
ايه رايكم بقى
وبعدين دخلتها التلاجه عشان تمسك نفسها شويه لحد ما بقت بالمنظر ده
شايفين الجمال
وبعدين جيبت البلاستيك ده وغطيتها بيه كانها جايه من بره بالظبط
اهه
هى دلوقتى نايمه فى سلام وامان ههههههههه
تعالو ورايا عشان لسه هعمل الجبنه الخضرا
وخدى التقييم فى ايدك يا شابه
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر
