السلام عليكم ورحمه الله وبركاته
انا جايالكم ولسه اثار الجريمه ما راحتش لسه عامله ماسك بجد تنحت لما شوفت النتيجه علي طول ما شاء الله بجد رهييييب
ربنا يرزقك اللي عرفت منها الطريقه دي ..,
المهم بقي انا بشرتي دهنيه بطريقه غبييييييييييييييييه حبايه تروح تطلع في مكان تاني وكميه حبوب كرهتني وعقدتني من نفسي
لدرجه اني فقدت الثقه في نفسي بجد ومابقيتش بخرج من البيت بسببها
طبعآ مش حبوب بس الحبوب لما بتروج بتعلم حتي لو مش باجي جنبها اكيد منكم كتير كده زيي رحت لدكتور طبعآ وماجابش نتيجه والحمدلله
بس جربت الماسك ده قولت سبجان الله ويخلق ما لا تعلمون بعد كام سنه عذاب
ندخل بقي …. الماسك ده سهل وبسيط جدآآآآ
عباره عن : عسل نحل, ولبن بودره لو مافيش لبن بودره ممكن دقيق بس انا استعملت اللبن
1- هاتدهني العسل في وشك بفرشه او زي ما بتعملي انتي وتسيبيه علي وشك ربع ساعه
2- وبعدها بشويه "بعد الربع ساعه" هاتحطي اللبن البودره او الدقيق علي وشك بس من غير ما تعملي حاجه هاتحطيه علي العسل بس
3- بعدها بشويه برضو ربع ساعه او اقل هاتحركي ايدك بحركه دائريه علي بشرتك كلها طبعآ الدقيق او اللبن هايعملوا كتل وهايطلع بيهم العسل 4- وبعدها ممكن تفضلي بيهم 5 دقايق او تغسلي وشك علي طول
وشوفي الفرق بقي بجد لو عندك بقع هاتلاقيها بتقل وقلت بدر جه ملحوظه جدآآآآآآ وراحت شويه شويه انا الحد دلوقتي استعملتها مرتين وفي المرتين بجد الحمدلله وماشاء الله شوفت تغيير وفرحت كده
[جربيه ولو شوفتي نتيجه ابقي ادعيلي امانه
يلا ربنا يوفقكم كلكم مواضيع هذا القسم برعاية
! matstazrafsh ! matstazrafsh 529275_1.gif فتكات رائعة Fatakat 529275 alex – egypt
