السلام عليكم يا فتوكاتي
زي العنوان كده ما بيقول انا دلوقتي حامل في الشهر الثامن ادعولي ربنا يكمل لي على خير ويجعلها ساعه سهله وييجي البيبي بالسلامه
دلوقتي انا الشهر الخامس والسادس والسابع كنت متابعه مع دكتور وكل شهر يعمل سونار يقول لي ولد واهو باين اهو وده مش عارفه ايه وده ايه وقلنا خلاص ولد واخترنا الاسم وتوكلنا على الله
رحت بقى غيرت الدكتور لدكتور تاني علشان حولد معاه في المستشفى نفسها اللي شغال فيها الاقيه بيقولي تن تن تن تش ده بنت
قلت يمكن مش شايف او علشان في اخر السابع مش باين لان البيبي كبير وضامم رجله مثلا
رحتله مره تانيه قاللي برضه بنت
بصيت لروحي فجأه وتعبت من المفاجأه ونزلت دمعتي
المهم دلوقتي بقى انا قلت برضه انقي اسم بنوته علشان ساعه ما ربنا يكرمني بنعمته ابقى محضره اسم ولد وبنت
الولد واتفقت عليه مع جوزي خلاص
البنت بقى اللي محيرنا وبما اني مبحبش الاسامي الجديده المكعبله وبحب البساطه فلحد دلوقتي فكرت في 3 اسماء عايزه تقولولي رايكم فيهم وتختارولي اسم حلو
زهره — حياه— سهر
Fatafeat Fatafeat 651354_1.gif فتكات رائعة Fatakat 651354 الاسكندريه – مصر
