السلام عليكم ورحمة الله و بركاته ازيكم يا احلى فتوكات و احلى بنات مين فينا مش بيحب الملوخية الخضرة و التقلية ياسﻻﻻﻻﻻﻻﻻﻻم بس طبعا ارخم حاجة هى خرط الملوخية بتخلينى كنت استسهل و اجيب الملوخية النشفة اللى من عند العطار لحد لما ماما قالتلى طريقة حلوة اوى جربتها و طلعت تحفة بس مش هتعملى الملوخية في نفس اليوم بصى يا فتوكة انت هتجيبى الملوخية تقطفيها و تغسليها و تنشفيها فى البلكونة هتجيبى صنية كبيرة و تفرديها عليها لحد ما تنشف وبعدين تخديها زى ما هى كده وهى ورق تحطيها فى الفريزر فى كيس نايلون طبعا ممكن تخزنيها بالطريقة دى يعنى تخزنى كميات زى ما انتى عايزة وبعد ما تتجمد تطلعيها فى اليوم اللى هتعمليها فيه تفركيها و هى فى الكيس بتلجها هتﻻقيها بتتفرك معاكى لحتت صغيرة تاخديها على الكبة بعد كده و لو معندكيش كبة ممكن تعمليها فى المطحنة الصغيرة بتاعة الخﻻط اللى بتطحنى فيها المكسرات و السكر البودرة و الاتنين مجرباهم زى بعض هتﻻقى الملوخية كانها مخروطة بالمخرطة وﻻ هتنزل ماية وﻻ هتبقى شوربة من الكبة وﻻ المطحنة اطمنى طريقة مريحة جدااااااااااا وجميلة و ميزتها كمان انك بتخزنى كمية كبيرة بالطريقة دى ﻻنك مش هتضيعى وقت كبير فى الخرط بس قسمى كل طبخة فى كيس متحطيهاش كلها على بعض يعنى كل كيس على قد طبخة ناس كتير جربوها لما ماما قالتلهم على الطريقة و بقوا يدعولها فقلت ﻻزم اقولكم جربوها و قلولى ايه رايكم وبالهنا و العافية على قلبكم فى رعاية الله يا بنات مواضيع هذا القسم برعاية yasmin* yasmin* فتكات متميزة Fatakat 222747 الاسكندرية عروس البحر المتوسط – مصر ام الدنيا
