السلام عليكم ورحمة الله وبركاته
كنت عايزة اخد رايكم فى موضوع وسائل منع الحمل
انا اتاخرت فى الحمل سنتين ونص وفى السنتين ونص اتعذبت منشطااااات ومتابعه تبويض وحقن واشعه بالصبغة وكل الحاجات الى اكيد مريتو بيها وتقريبا مكنش عندى مشاكل انا ولا زوجى سنة ونص والسنة الاولى زوجى كان عنده دوالى وعملها واتعالج والحمد لله تحليله كان كويس وانا برضو بس مكنش بيحصل حمل وربنا اكرمنى بنورين حبيبتى ربنا يباركلى فيها ياااااااارب
انا دلوقتى والدة من شهرين ونص ولظروف ما لسه مروحتش بيتى وهروح الاسبوع الجاى تقريبا ان شاء الله وروحت لدكتور النسا عشان اخد رايه ف موضوع الوسيلة دة قالى ممكن برشام او لوب وقالى برضو نعمل سونار ونشوف
اما عملى سونار قالى عايزة رايي بلاش اى حاجه لان الرحم عندك مهيا انه يحصل نزيف من الوسيله قلتله على الواقى قالى انا رايي متسخدميش حاجه وسبيها على الله وممكن الرضاعه لوحدها تنظم موضوع الحمل
انا بقا دلوقتى مش عارفه اعمل ايه
اولا نفسى ارضع بنتى وتاخد حقها فى كل شىء وخاصة موضوع الرضاعه لانها حتى مش بترضى تاخد اعشاب ولا حاجه ودة مصدر غذائها بس وخايفة احمل يبقا لازم افطمها
وكمان انا خارجه م الولادة تعباااااانه جداا وعلى طول عندى دوخه وهبوط وبنتى ربنا يهديها عايزانى طول النهار واقفة بيها وسهر طول الليل وعياط وانتو فاهمين طبعا الفترة دى
ثالثا بقا انا حملى صعب يعنى اول 3 شهور راحه مميته والى ف النص كنت معرضه لولادة مبكرة وبرضو نايمه على ضهرى وباخد مضاد للانقباضات واخر 3 شهور ربنا مايورى حد ورمت جدااااااااااااااا لدرجه انى مكنش فى حاجه بتدخل ف رجلى وضغطى ارتفع يعنى تقريبا تسمم حمل يعنى بجد تعبت جدااا وخايفة يحصل دة تانى وانا ماحقتش اشم نفسى
وف نفس الوقت خايفة اتاخر تانى او اكون بتامر دلوقتى واقسم بالله مش يتامر انا قولت ظروفى كلها وانا تعبت اد ايه لغاية ماربنا اكرمنى بالحمل وتعبت اد ايه ف الحمل
خايفة استخدم وسيله اتاخر تانى والعذاب دة تانى وارجع الوم نفسى واندم
وخايفة ما استخدمش وسيله يحصل حمل الوقت
قولولى بجد انا محتارة انا بفكر نستخدم الواقى انتو ايه رايكو؟؟؟ ياريت تفيدونى برايكم وتقولولى انتو عملتو ايه وجزاكم الله خيرا وانا اسفه ع الاطاله
سمووووررة سمووووررة 322260_1.gif فتكات رائعة Fatakat 322260 بورسعيد – مصر
