السلام عليكم الاول ياقمرات
كنت من يومين وأنا بادعبس هنا فى الركن شفت رابط جوه موضوع ومتسألونيش إيه الموضوع لانى لو كنت فاكرة ما كنتش نزلت
الموضوع ده المهم كان فيه ابداع لفتوكة عسل عملت فيه الكفتة بطريقة جديد الصورة اللى لحقت أشوفها فى الوصفة دى
فاردة حتة كفتة على كيس بلاستيك من بتوع التلاجة ودهنت فوقها معلقة جبنة كاسات تقريبا وفى شرايح فلفل أخضر على ما أعتقد
المهم الفكرة عجبتنى قوى فى وقتها المشكلة إن اللاب فصل قبل ما ألحق أسيف الوصفة أو أضيفها للمفضلة
فين المشكلة المشكلة إنى عندى عزومة يوم الجمعة ونويت من وقت ماشفت الصورة إنى اعملها بس بقى لى ساعتين بأدور على الوصفة ومش عارفة أوصل لأراضيها
ياريت اى واحدة عرفت الوصفة اللى أنا أقصدها دى تضيف لى الرابط بتاعها بسرعة الله يبارك لكم
ومتشكرة جدا لكل واحدة هتدخل الموضوع وتعبرنى أصلا
ومتشكرة أكتر للى هتضيف لى الرابط
مواضيع هذا القسم برعاية
أم سلمى 2024 أم سلمى 2024 فتكات رائعة Fatakat 322241 الرياض – السعودية
