السلام عليكم ورحمة الله وبركاته
بصوا يابنات انا زهقت من الصداع اللي بيجيلي ده ومش عارفاله حل وبقيت ماشيه بالمسكن باخده اكتر من اللبان
لما تعبت وحاسه اني همرض من كتر البرشام اللي باخده ده
انا اول لما البس الايشارب يبدأ الصداع ومع اول دبوس بحطه في الايشارب بيزيد الصداع
ويفضل معايا طول اليوم لو مااخدتش مسكن بيجنني وببقي مش طايقه نفسي وكل مايجيلي صداع
بحس ان اعصاب وشي كله بتتعبني بحس اني فكي بيتشنج كده وببقي مش مستحمله بحس بصداع في وشي كله
الايشارب العادي اللي البنات بتلفه في البيت وهي قاعده لورا ده اللي شبه اللي اسبانش انا كل ماااعملها راسي تصدع قوي
مش بقر البس طرح ولا بندانات حتي القطن الصغيره الحته واحده دي بتبقي لورا عشان ماالبسش اكتر من طرحه برضه راسي مش شبتطيق حاجه خالص
ويالهوي لو اتكلمت في الموبايل وحطيت الهاند فري في ودني اقل من دقيقه بقفل الخط عشان مش بستحملها نهاااااااائي وبرضه بتفضل راسي وجعاااااااني لو مااخدتش مسكن
اعمل ايه اروح لدكتور بتاع ايه ولا ده سببه ايه
انا مش عارفه بجد الموضوع ده تاعبني جدا وخانقني وزهقت من المسكن اللي باخده ومش باخد ريفو اسبرين صداع مابيعملش معايا حاجه بروح واخده مسكن "باي الكوفان" وده اصلا غلط يتاخد من غير اكل
بس اعمل ايه مش برتاح غير بيه وبيكون راحه مؤقته
فيدوني يابنات الله يخليكوا
crazycat2016 crazycat2016 فتكات رائعة Fatakat 451692 القاهره – مصر
