ازيكم يا فتوكات بداية احب اشكر
مشرفتنا العامه
soso1234
على افكارها الجميله للرقى بمنتدانا الغالى واقسام المطبخ
واشكر حبيبه قلبى
mero_sh
على الكرنفال الحلو ده
وتعبها معانا فى المواضييع
انهارده هنعمل السجق الاسكندرانى بطريقتى
المكونات
نص كيلو سجق اسكندرانى بلدى
3 طماطم مبشورة
3فلفل الوان
3 قرن فلفل حامى
معلقتين توم كبار مفرومين
زيت
ملح وفلفل وبهارات وحبهان وورق لورا
الطريقة
هنقطع السجق على اتنين او تلاته زى ما تحبى
ونحط الزيت يسخن عالنار واما يسخن ننزل بالسجق
ياخد صدمه ويتشوح شوية
وبعدين ننزل عليه بالطماطم المبشورة
ونقلب كويس ثم نضيف التوم والتوابل
ونقلبهم كويس عالنار عاليه ونسيبهم يستوا شويه
فى الوقت ده ممكن نزود ربع كوب مايه لو حسينا ان السجق محتاج سوا
وفى الاخر نضيف الفلفل كله
يدوبك ياخد تقليبه ومش نسيبه كتير يتهرى
وكده يبقى جاهز لتقديم
ممكن مع مكرونه او رز بس انا بفضله بالعيش مع بطاطس محمرة
او ساندوتشات بيبقى يجنن
وده كمان
وتجربوه واى سؤال انا موجودة
سلام
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى