ازيكم يا بنات عاملين ايه
كل سنة وانتم طيبين والسنة الجايه احلى ان شاء الله
ويارب اللى كان عندها امنيه وما اتحققتش تححق السنة الجديده ان شاء الله
المرة اللى فاتت عملت لكم شاورمة الفراخ
وكانت هنا شاورمة الفراخ من مطبخ شوشو 101 ههههههههه
والنهارده ها اعمل معاكم الحواوشى بس بايه
بالعيش البيتى الطازة العيش عمايل ماما والحواوشى اناااااااا
واوعدكم المرة الجايه لما ماما تيجى تخبز اصور لكم الطريقه ماشى
يلا نعرف مقادير الحواوشى
كيلو لحمة مفرومة__عيش__التوابل اللى تفضليها للحم__ملعقتين صغيرين ملح___
5 فصوص ثوم مفروم__عدد 3 بصلات متوسطين مبشور___مكعب مرقه دجاج__
عدد 2 طماطم متوسطة مبشورة___حزمة بقدونس مفرومه__زيت للقلى مش كتير ربع كوب صغير
تعالوا نشوف المقادير
اولا العيش بتاع ماما هى طبعا بتعمل الرغيف كبير بس انا لما هى بتخبزبطلب منها تصغره عشان الحواوشى كل مرة
دى اللحمة المفرومة وحطيت عليها البقدونش المفرومة والتوابل اللى هى ::فلفل اسمر_كمون_شطة_حبهان_ورق لورى_رشه جوز الطيب_بهارات_رشه كسبرة_الملح_رشه طعم فراخ_ومكعب المرقه فرفته بأأيدى قبل ما احطه
الفلفل
الثوم
وهنا لما دقيت الفلفل والثوم بالمفرمة او بالهون بس المهم ينعموا جامد وضيفتهم اهو
الطماطم
وهنا لما بشرتها وخليت بالى على ايدى من المبشرة
وهنا لما ضيفتها
البصل
هنا لما بشرت البصل بس مش خليت بالى على ايدى واتعورت
وعصرت البصل بايدى زى ما ها تشوفوا
وطبعا سبت المياه بتاعت البصل واخدت البصل بعد ما صفيته
مواضيع هذا القسم برعاية
شيمو شارو شيمو شارو 1034087_1.gif فتكات ست الكل Fatakat 1034087 فيصل – الجيزة
