المقادير:
1/حمام وطبعا العدد حسب الرغبة لكن المهم انه يتنظف كويس
ولازم تسيبوا الرقبة يعنى عند التنظيف نقطع الرأس فقط و نترك الرقبة
2/أرز مغسول ونتركه يتصفى
3/بصل مبشور مع ملح و فلفل و بهارات
4/قليل من السمن يعنى حوالى معلقة متوسطة
5/بصلة صغيرة للسلق
ماء للسلق
الطريقة :
نقلب الأرز مع البصل المبشور وعلية الملح و الفلفل
و البهارات و قطعة السمن
ثم نضعهم فى حلة و نضعهم على النار حتى يتغير لون الأرز و يصبح أصفر نطفى علية
بعدها نتركة شويه يبرد و نجيب الحمام و نحشيه بالأرز
بس ما نملاش الحمام للآخر
يعنى نسيب شوية
بعد الحشو نقفل الحمام جيدا من تحت و من فوق ممكن
بخلة أو بالكبدة بتاعة الحمام يعنى من فوق نقفلة بالرقبة و من تحت بالكبدة
بعدها نجيب اناء ونضع فى ماء و نتركة حتى يغلى
ثم نضع فيه الحمام و نضع شوية فلفل و البصله الصغيرة نضعها كما هى بس طبعا بعد تقشيرها و غسلها
و نسيب الحمام يستوى بعد ما يستوى ننقله فى صينية
و نضع علية زبد وممكن الاستغناء عنها و نضعة شوية فى الفرن ليحمر و بالهنا و الشفا
ملحوظه: يمكن استبدال الأرز بالفريك
مع مراعاة نقع الفريك لمدة نصف ساعة قبل الاستخدام
ثم نتبع نفس الخطوات السابقة
مواضيع هذا القسم برعاية
pipa pipa فتكات جديدة Fatakat 150895 الجيزه – مصر
