السلام عليكم يا كتاكيت
انا انهاردة عامله ايه عامله برجر انا واحدة من الناس بمووووت في البرجر بس بصراحة بقرف من اللي بيتباع لانه كله دهون ومش عارفة معمول ازاى فعملت البرجر ولما طلع حلو قلت اقول لحبايبي الفتكوكات القمرات نبتدى بالمقادير ونقول بسم الله
كيلو لحمة مفرومة
بصله مبشورة
معلقتين بقسماط مطحون
توم بودر
فلفل اسود وبهارات
ربع كيلو فول صويا
ايه دا هى قالت فول صويا ايو انا قلت فعلا فول صويا سيبك من انه بيكتر اللحمه انااكتشفت ان فيه فوايد كويسه جدا منها
. محاربة أمراض القلب. حيث أنه يخفف معدل الكوليسترول المرتفع حوالي 9%.
2. يحافظ الصويا على العظام خصوصاً عظام النساء بعد سن اليأس.
3. يساعد على محاربة سرطان الثدي. حيث تناول وجبة تحتوي على الصويا يومياً، يساعد على محاربة سرطان الثدي، ومازالت الدراسات والتجارب تجرى للتأكد من هذه النقطة.
4. يساعد على محاربة سرطان البروستات.
5. أيضا أثبتت الدراسات ان تناول فول الصويا مره اسبوعيا يقلل من خطر الاصابه بسرطان البروستات بنسبة 50 % على الأقل.
6. يمكن أن يحمي من سرطان بطانة الرحم بنسبة 50% نتيجة الدراسات التي أجريت على نساء تناولن الصويا.
7. تستخدم منتجات الصويا كالحليب او الزيت في عمل أقنعه للبشرة حيث يعطي الرونق والرطوبه للبشرة.
بس وطعمه تحفة والله محدش لاحظ خالص انى حاطه فول صويا في البرجر
هنعمل ايه بقي يا حلوين هنجيب ربع كيلو فول صويا مطحون ونحط عليه 2كوب مايه مغليه ونسيبه ساعة وبعدين نعجن كل المكونات مع بعضونقطعة ونفرد اللحمة ونقطعها ياما بكوبايه او بالقرص بتاع البيض ونفرده علي صنيه او اى حاجة ونعمل عازل بالمشمع علشان البرجر مش يلزق انا معرفتش اصوره لانى تعبانة شويه بس لو صورته هرفع الصور باذن الله
البنات الحلوين اللي عاملين رجيم تعالولي هنا ليكى من قطعتين لتلاته بس وهنسويه في الفرن ازاى بصي هاتى بطاطسايه حلوة قشريها واغسليها واقطعيها واعملي ايه اسلقيها في شوية ميه وبعدين هاتى صنية وافردى البطاطس ورشي رشه زيت زيتون والرجر جنب البطاطس ودخلي الفرن من غير ولا سمنة ولا زيت عملنا برجر وبطاطس محمرة
ها يا قمرات لو الموضوع عجبك قيمى علشان غيرك يستفيد ولو مش عجبك ادعيلي دعوة حلوة ان ربنا يصلح حالي ويباركلي في عمر جوزى وابنى ويجمعنا علي خير
وبالهنا والشفا
مواضيع هذا القسم برعاية
mema mekawy mema mekawy 443207_13.gif فتكات رائعة Fatakat 443207 الدوحة – قلب جوزى
