السلام عليكم ورحمه الله وبركاته
ابنى عنده 9 سنين وعصبى جدا بسبب ومن غير سبب
كل اما اكلمه او اطلب منه حاجه يعلى صوته عليا جامد ولو عمل حاجه غلط وقولتله انه دا غلط يتنرفز جدا
ويزعق لدرجه ان وشه بيزرق وعروقه بتتنفخ وساعتها بتمسمر فى مكانى وبخاف اتصرف اى تصرف يسبب
تفاقم للمشكله ويتعصب اكتر والله انا بخاف عليه جدا لا يجراله حاجه
المشكله الاكتر كمان انه بيفش غله فى اخوه الصغير وبيضربه ولو نرفزنى جدا وجيت امد ايدى عليه بيمسك ايدى
بعنف شديد وكأنه عاوز يضربنى واخرها امبارح حصلت نفس المشكله والسبب تافه اخوه بقاله فتره تعبان وبيكح
وبياخد علاج وهما الاتنين نايمين جنب بعض وبيتفرجوا على التليفزيون واخوه غصب عنه كح فهو قعد يزعق
وضرب اخوه وقال ان هو بيكح فى وشه وانه قاصد بس انفعاله كان اكبر من الموقف وانا ضربته لانه مش مقدر تعب اخوه وساعتها قالى كلام فظيع جدا قالى والله وانتوا نايمين بالليل هاخد هدومى وامشى انا بستحمل كتير
وواحد غيرى مكانش قدر يستحمل كل دا وكمان قالى انا مش عايزه يبقى اخويا انا هاجيب السكينه واقتله
مش عارفه اوصفلكوا احساسى ايه ساعتها كنت هاموت وانا واقفه مكانى وتفكيرى انشل تماما وكل اللى طلع عليا انى بقوله انت ازاى بتقول كدا ازاى قدرت تقول كدا وقعد فتره كبيره واقف مكانه وبيعيط وانامش عارفه اتصرف
ارجوكم ساعدونى قولولى هو كده عنده مشكله نفسيه ولا ايه واتصرف معاه ازاى
اسفه انى طولت عليكم بس انا قلبى بيوجعنى وخايفه على ولادى موت ساعدونى الله يخليكم
دودو 911 دودو 911 706277_3.gif ممنوعة من المشاركة Fatakat 706277 القاهره – مصر
