يالا نكون اصحاب في الله 2024.

السلام عليكم ورحمة الله وبركاته
اوقات كتير بنحس ان احنا محتاجين نقرب اكتر لربنا بس بنبقى مش عارفين نبدا منين وبنبقى تايهين
وانا بقالي كتير في المرحله دي ونفسي اعمل حاجه احس بيها اني راضيه عن نفسي
ففكرت مين ممكن يعينني على طاعة ربنا فقلت اكيد الصحبه الصالحه اللي بدور عليها على طول وبدعي ربنا يرزقني بيها
واول حد فكرت فيه هما انتو يافاتوكاتي ياحلوين
وبمناسبة الايام المباركه اللي احنا داخلين عليها قلت نحمس بعضينا وكل واحده عندها فكره للطاعه تقولها وتكسب فينا ثواب
انا فكرتي ممكن تبقى معروفه لكثير منكم بس حتى لو واحده بس استفادت فانا الكسبانه طبعا
احنا الحمد لله كلنا بنصلي كل فرض في وقته دي مش عايزه كلام
ايه رايكم نقرا صفحتين من المصحف قبل وبعد كل الفرض يعني 4 صفحات مع كل فرض في 5 صلوات في اليوم
هه بتعرفو تحسبو ولا خايبين في الحساب
اقولكم ورزقي على الله 4في 5 ب20 يعني جزء في اليوم من غير ما احس يعني ختمت المصحف في شهر من غير ما خد وقت
ده مثل
وطبعا كلنا بنحضر اكل كل يوم واوقات بنبقى عاملين كده عشان مفيش بديل وبننسا ان الرسول قال افشو السلام واطعمو الطعام وصلو والناس نيام تدخلو الجنه بسلام يعني كلها حاجات سهله
بس ربنا يفكرني بالحديث ده قبل ما اعمل الاكل لاني على طول بنسى وبفتكرو بعد ما بيكلو واشيل الاكل
ولا انسى فضل فاتوكه (هند بنت عتبه) اللي عرفتني اعمل موضوع ازاي
وده اول موضوع ليه فشجعوني احسنلكم
يارب اجمعني بيكم في الحج واجمعنا برسولنا الحبيب وصحبته وزوجاته في الفردوس الاعلى

منمن تويتي منمن تويتي https://files.fatakat.com/customavatars/avatar808171_1.gif فتكات حبوبة Fatakat https://forums.fatakat.com/member808171 القاهرة – مصر

سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.