.. نصيحه فتوكه امورة للحواجب العريضة .. 2024.

السلام عليكم
ازيكم يابنات يارب كلكم بخير..
جالي اسئله كتيره من بنوتات ازاي نعمل مكياج للحواجب العريضة وايه الي يليق وايه مش يليق…
حبيت اقولكم نصحيتي وان شاء الله يكون كلامي مفيد ليكم..
اوعو تنسو التقيم عشان انا الي كاتبه الموضوع ده

ملحوظه مهمه جدا:
صحيح الحواجب العريضه موضه السنه دي ولكن لازم نعرف ازاي نخليها تليق علينا
يعني مش فكره ان موضه معينه موجوده نجري وراها وخلاص حتى لو هتخلي شكلنا اوحش
فنحاول على قد مانقدر نخليها تتناسب مع وجهننا

اولا: لازم نعرف ان الحواجب العريضه بتليق على العيون الصغيره والكبيره وعلى اغلب الوجوه كمان
بس لازم نطولها من الطرف لو العيون صغيره عشان منحسش بشكل مش لطيف
زي الصورة دي كده
.. نصيحه فتوكه امورة للحواجب العريضة ..

ثانيا: اهم نقطه ممكن تخلي شكلنا حلو بالمكياج او وحش لون الايشادو وطريقه وضعه لازم الي حواجبهم عريضه
سواء عريضه اوي او نص نص اننا منحطش الوان غامقه ع الجفن الثابت نكتفي بوضع الالوان الغامقه على الجفن المتحرك وزاويه العين الخارجيه فقط بيدي جمال للعيون وطبعا تحت عظمه الحاجب لازم لون فاتح
يعني ده شكل سئ جدا للحواجب العريضه لانهم عاملين غامق كله حبيت اوريكم المثال

ثالثا: منصحش اي حد تكون المسافه بين جفنه وحواجبهم قريبه انه يخليها عريضه لانها بتدي شكل مش لطيف ابدا
يعني زي الصوره دي هنحط الميك اب فين؟ تحتاج حد ميحطش اي لون

رابعا: نستخدم قلم وبودره تتناسب مع لون الحاجب عشان منحسش بفرق كبير بينهم
زي الصورة دي كده حتى الميك اب معمول زي النصيحه الي كتبتها رقم 2

خامسا: الجبهه الصغيره كمان مينفعش يتعملها حواجب عريضه اوي عشان قصه المسافه بينها وبين العين هتكون قريبه فلو الحواجب بقت عريضه اوي هنحس نص وشنا قريب من بعضه
فزي ماقلت لازم ناخد بالنا من كل تفاصيل وجهنا عشان رسمه الحاجب اول حاجه يمكن بيتبص عليها في الوجه مباشره

اخر حاجه احب اقولها ان كل واحده فينا هي الي بتدي انطباع ان شكلها مضبوط وحلو
او لا سواء المكياج الي عاملاهم او الحواجب مترتبه الرضا الداخلي عن نفسك بينعكس لكل حد هيشوفك دي حاجه مؤكده

لو حد عنده سؤال انا معاكم حبايبي وان شاء الله ناويه اعملكم لوك للحواجب العريضه
اوعو تنسو التقييم

فتوكه امورة فتوكه امورة 281395_35.gif ●فوضت أمري الى الله ● Fatakat 281395 مدينه الصحافه – اسكندرية

سبحان الله و بحمده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.