فتوكاتي حبيباتي 00
وحشتوني اوي
موضوع انهارده اتردد كتير جدا
ودار في عقول كتير من الفتوكات
وانهارده حابه اتناقش معاكم
علشان شعرنا ده بجد كلمه تاج جمالنا دي كلمه صغيره عليه
لانه اكبر من كده بكتير
المهم دلوقتي ازدادت في الفتره الاخيره
وصفات غريبه جدا
كلها عباره عن
توم
وبصل
وزبده
طيب يا جماعه هل اللي بتكتب الوصفات دي بتكون مجرباها فعلا ؟
بأمانه
!
طيب لو مجربها بتعملي ايه في ريحه التوم والبصل اللي فشعرك ؟؟
معلش انا جربت مره وصفه فيها توم اكتر من 3 شهور ريحته موجوده
ازاي نقدر نداوم عليها سواء الفتوكه متزوجه او مش متزوجه برضو مش هتستحمل ريحه راسها توم او بصل
حاجه تانيه
الزبده
ازاي بتغسلي شعرك منها ؟
يعني مثلا اكيد الشعر هيكون دهني جدا بعد الاستخدام
ياتري هتخلصي عليه عبوه شامبو علشان ينضف ؟
فلنفرض كده
طيب ماهو كده كميه الشامبو الي هلكتي بيها شعرك
هتخليكي مش هتستفادي حاجه بالي عملتيه
حاجه تالته
اوقات بشوف وصفات
حطي الزيوت علي النار وتسخن تروحي حطه فيها التوم
طيب ازاي يا جماعه ؟
هنعمل تقليه في شعرنا
انا مش بسخر من حد انا بناقش موضوع يهمنا كلنا
وفي حاجه تانيه من ناحيه تانيه
في زيوت مينفعش تسخن ولا تقدح
منهم مثلا زيت الزيتون
هتقولو الناس بتطبخ بيه
هقولك الدكاتره قالو حطي علي السلطه علي الفول اي حاجه فوق الاكل
لاكن مينفعش يتسخن
ده مثال بسيط بس برضو ازاي هنحط زيوت وتوم
احنا مش بنقدر علي ريحه التوم الي بتستمر شهور هنحط زيت كمان علشان يثبتها
ومنعرفش نشطفها من شعرنا سواء التوم ولا الزيت
حاجه رابعه
وصفه الجرجير بالسبرتو الابيض
يا جماعه سئلت ناس داومو علي الوصفه دي
قالو ان شعرهم ابيض
لان السربتو الابيض فالاول والاخر كحول
زيه زي البرفيون لما يجي علي شعرنا كتير بيبيض
ياريت يكون عندنا امانه في نقل المعلومات والتجارب بتاعتنا
لان ممكن اي حد يتئذي من اي وصفه
مفيش حاجه اسمها الوصفات الطبيعيه مش هتضرنا
لاء هتضرنا لو مش مع طبيعيه شعرنا
او لو الوصفه فيها اشياء خاطئه ومفيش امانه في سرد المعلومات
دلوقتي عاوزه رئيكم في الموضوع بكل امانه
وعاوزه كل واحده جربت وصفه مفيده عن تجربه تقولها بكل تفاصيلها بكل امانه
مميزتها وعيوبها
وعاوزه كمان اوضح نقطه تانيه
ليه مش بنتجه لاشياء تانيه مغذيه
ليه بنحب الاختراعات واخر حاجه بنبص ليها التغذيه
ليه مثلا مش بناكل كل يوم حزمه جرجير مع طبق سلطه
كوب لبن خالي الدسم ومن غير سكر
اظن مش هيتخن بس هيفيد
زبادي
بيضه مسلوقه
تفاحه علشان الحديد
دي التغذيه
طيب لو هندور علي وصفه بسيطه مش هتئذينا
ليه مثلا مش بنبص للجرجير
لو هنجيب الجرجير نضربه فالخلاط ونصفيه
وناخد العصاره بتاعته علي مجموعه زيتونا الطبيعيه
ونضربهم تاني فالخلاط
ونحطهم في علبه بخاخ وندام عليها
ليه مثلا مش بنبص للصبار
وناخد الماده اللزجه الي فيه
علي معلقتين فازلين
علي معلقه زيت زيتون
علي خروع
علي اي زيوت عندك
وتخلطيهم مع بعض
وتستخدمي ككريم يومي مغذي
وكتيييييييييير من الحجات الطبيعيه البسيطه الي ممكن نستخدمها
وبسيطه جدا
اختكم
ساسو
فتك تك فتك تك 178039_5.gif ●۩ساسو خبيره التجميل۩● Fatakat 178039 اسكندريه _ القاهره – مصر