السلام عليكم
كل سنة و انتم طيبين
حبيت اقولكم على تجربتى فى العناية الشخصية و ازالة العرق من غير مواد كيماوية و لا وجع دماغ انا متاكدة ان معظم الفتوكات الشطورات عارفينها و هى الشبة تروحى للعطار و تجيبى منة رول الشبة رائع و الله و الجديد بقى انك بعد الحمام و انتى لسة جسمك مبلول حطى تحت الابط من الشبة و بعدين جيبى زيت برفان الورد و الله يا بنات رائع و تحطى منة على الشبة اسبوع بالظبط و هتلاقى السمار اللى تحت الابط رااااااح و المكان بقى فاااااتح جدا و الله يا بنات
هقولكم يا بنات على وصفة فظيعة و الله اسبوعين و مش هتعرفى جسمك من النعومة و البياض و الجسم المشدود و الله يا بنات فوق الوصف و كمان مكونتها كلها عندنا فى البيت
بصى يا ستى
هتجيبى نص كيلو سكر خشن ايوة و الله سكر و معلقتين قرنفل مطحون و 3 معالق زيت زتون و تخلطيهم و تحطيهم فى برطمان فى الحمام و بعد ما تاخذى الشور بتاعك التمام وزعى من الخلطة دى على جسمك كلة و فى الاخر وشك و ابدئى افركى بحركات دائرية حتة حتة و وشك كمان و بعدين 5 دقايق و اغسلى جسمك هتلاقية كانك دهنتية بمرطب و اطلعى و نشفى جسمك و حطى لوشن حلو انا بستعمل انشنتية الاصفر راائع رحتة رقيقة جدا و ادعيلى
معلش يا بنات اسلوبى ملغبط اصل مريومة بنتى لخمانى ربنا يهديها
بالله عليكم يا بنات لو موضوعى عجبكم ادعوا لمصر و ادعولى وادعوا لولادى بالصلاح
احبكم فى الله مواضيع هذا القسم برعاية
اتوق لحفظ كتاب الله اتوق لحفظ كتاب الله 713998_1.gif فتكات هايلة Fatakat 713998 عالم فتكات – مصر