ازيكم يا قمرات يارب تكونو كلكم بخير
النهاردة بقى جيبلكم طريقة كام اكلة فول اخضر انما اية
كلكم احلى من بعض
بما اننا فى موسم الفول الاخضر يبقى كل بالفول الاخضر
ربنا يخضر ايمكم
حلوة دى
يلا ندخل فى الموضوع على طول
الاول يلا بينا نصلى على النبى عليه افضل الصلاة والسلام (اللهم صلى وسلم وبارك على سيدا محمدا )
ونسمى الله
الطبق الاول يخنه الفول الاخضر
الفول عشان نطبخة لازم يكون طرى ومش ناشف لاننا هنطبخة بقشرة
هنغسلة ونظفة من العروق اللى بتبقى على الجنب زاى الفصوليا الخضرة
والفول اللى يكون حبة ناشف نفصصة لوحدة عشان الرز
ودا شكل اللى هنطبخة وحب الفول
دا لليخنى
ودا هنعمل فيه الرز
الاول هنعمل يخنى الفول
هنجيب حلة ونحط فيها شوية زيت
ونقطع بصلية و ندبلها بالزيت ولما البصل يدبل نحط الفول
ونقلبه ياجى خمس دقايق
لحد ما يبقى شكله كدة
نكون سلقين لحمة ناخد الشربة بتعتها ونحطها على الفول
هنغطى الفول بالشربة
وطبعا لو محتاجة ملح او فلفل اسود نضفلها حسب الشربة بتعتنا
ونسيبها تغلى هى تقريبا بتاخد ربع ساعة لحد ما الفول يستوى
وبهرس فصين توم وبحطهم على اليخنى
ونحط شوية كزبرة خضرة مفرومين
غلوة وحدة بس
ونطفى النار
ودا شكله عند التقديم
ريحته جميلة جدا
وطعمه اجمل
اتمنا انكم تجربه لانه عنجد يستحق
مواضيع هذا القسم برعاية
vovo2016 vovo2016 260903_8.gif فتكات غالية قوي Fatakat 260903 اسكندرية – فلسطنية مصرية غزوية