السلام عليكم ورحمة الله وبركاته ,,
اخواتى الحبيبات مش ممكن الجأ لحد غيركم عشان يساعدنى ويقف جمبى ,,
زى ما واضح فى العنوان ,, انا افشل واحدة فى الدنيا ممكن تعمل ريجيم هتسألى ليه ؟
هقولك :
انا محتاجة انزل وزنى 15 كيلو ,, ماشى ..
مبدأيا انا الحمد لله من البنات المتوسطة فى الجسم يعنى طولى 160 سم بالظبط
ورسمة جسمى رملية مائلة اكثر للكمثرى بس برضه عودى مفرود
مش عريضة اوى يعنى متوسطة ,,
كان جسمى حلو جداااااااا ومكنش فى اى ثنايا ,,
وكان كل صحباتى يسألونى هو كده ازاى وهو كان لوحده ,,
المهم ابتداء من 1 اللى فات لشهر 6 تقريبا والله العظيم كنت باكل بيتزا وبطاطس مقلية
وبيبسى شبه يوميا ,, وشيكولاتة كتير وعصاير اكتر ,,
ومكنتش باكل غير كده اخرج من الكلية اروح انا وصاحبتى على مطعم مفضل عندنا ونضرب البيتزا
والبيبسى والبطاطس وهكذا لحد مرة واحدة اتفاجئت ان انا بجد جسمى اتغير تماما
وسطى اللى كان نحيف جدا ومفهيوش ولا تانية بقى شبه الكرش وبطنى كبرت اووووووى
وصدرى ومليت من تحت جدا ودرعاتى وكل حاجة
ولقيت ماما بتقولى انتى تخنتى علطول تقولى كده وبابا يقولى بقيتى دبدوبة ,,
المهم اتلبخت فى الامتحانات وطنشت خااااااالص
فجيت كده من حوالى شهر وقفت اغسل شوية مواعين رجلى وجعتنى جدااااااا مبقتش عارفة اطلع
السلم برشاقة زى الاول ,,
قررت انى اتوزن ,,,
اتوزنت ..
اتفاجأ يا بنات ان انا زدت 9 كيلو ؟؟؟؟؟
تصوروا والله العظيم 9 كيلو ,, حسيت ان انا اتصدمت صدمة جامدة جدااااااااااااااااااااااا
وقررت ان انا اعمل ريجيم واشترك فى جيم ,,
واشتركت فعلا وخففت اكلى ونزلت 2 كيلو ,,
وجيت فى وم واكلت شيكولاتة كتيررررررر وفستق وكاجو
وزعلت جداااااا ولقيتنى مبنزلش حاجة خالص امشى على الرجيم 3 ايام بالكتيرررررر
وادمرة بسبوسة وهريسة وحلويات ومكرونة وبيتزا والله ده اللى بيحصل
والكلية بدات وبقى صعب انى اروح الجيم ,,
وكنت عاملة ريجيم وامبارح والله العظيم اتفجعت اكلت 6 قطع شيكولاتة جلاكسى جواهر
وانهاردة ماما عاملة صينية بطاطس فرن اكلت منها والصبح اكلت مربى
وحاسة ان عندى احباط فظيع وارداتى صفرررررررررررررررررررر
عايزة انزل 15 كيلو عشان اوصل للمثالى ,,,
وكمان عندى مناسبة مهمة جداااااا كمان 12 يوم فرح بنت عمتى وصحبتى فى نفس اليوم
ونفسى اكون حلوة وعودى مظبوط على الفرح
ومش ضامنة نفسى خالص عشان معنديش ارداة ,,
ممكن يا بنات تساعدونى وتقولولى اعمل ايه ,, وايه الريجيم الكويس اللى ممكن يظبط نفسى على الفرح ,,
مش عايزة اقول لكم ان انا تقريبا كتبت كل الريجيمات والوصفات ومش بعمل حاجة ..
فياريت اللى مرت زيي كده تقولى تغلبت على نفسها ازاى ..
وعملت ايه ؟؟؟
ومتشكرة جدااااااااا ليكم ..
ويارب اللى ترد عليا تخس وانا كمان بدون ضرر يا رب
للمعلومة اللى زاد عندى زيادة ملحوظة اوووووى وسطى ..
رغم انه كان ارفع حاجة فيا …
الهى لاتتركنى الهى لاتتركنى images/avatars/pinkflower.jpg فتكات رائعة Fatakat 628145 دمياط – مصر