السلام عليكم يا احلي فتوكات
دة اول موضوع ليا ف الطبخ ومكنتش متخيلة اني هعمل موضوع اصلا لان كل طبيخي اتعلمته من فتكات
فمش معقول هعلم الاساتذة
بس معالوقت بقي عندي حتة خبرة صغنونة فحبيت اشارككمبيها
ويارب تطلع بفايدة ومتكونش افكاري مبتدئة اوي
نبتدي بسم الله
بواقي الاكل اللي بتفضل كانت محيراني اوي
انا متجوزة من مدة صغيرة واحنا لسه اتنين بس
لو كان فيه اطفال كنت زقيت كل البواقي ف بقهم ويبقوا يحاسبوني لما يكبروا
اهه كله بيساعد ف النمو
لكن انا بقي عندي طفل كبير مبياكلش اي حاجة ومبيحبش البايت وبيحب التنويع ومبيحبش الترابيزةيبقي عليها اصناف مش منتظمة يعني مينفعش انا اكل حاجة وهو حاجة تانية كان ممكن ساعتها انا اكل البواقي وامري لله
كمان ماما علمتني ان الحاجة اللي بتترمي بحالها بتجري ورانا يوم القيامة
وانا ناقصة ذنوب تجري ورايا
المهم بعد ماطولت عليكم
بصوا يا قمرات
1. الخضار اللي ماسك نفسه شوية (بسلة، لوبيا، فاصوليا خضراء….) بحطه ف سمبوسة والفه للعشا بيبقي عشا مفتكس وجديد ومش متعب يدوب يتلف ويتحط ف الفرن ربع ساعة (من غير صلصته طبعا)
ممكن كمان احطه بصلصته علي رز لسه معمول جديد وامزجهم ع النار بيبقي رز بالخضار بدل الرز السادة ودة ع الغدا
2. بواقي الفراخ ايا كان نوعها جناح او فيليه او حتة فاضلة من ورك ……الخ
برضه بلفها سمبوسة دي طريقة ودة بيبقي عشا
لو كانت كتير شوية بفرمها (وهي مستوية) واحشي بيهاالمكرونةالبشامل بدل اللحمة المفرومة ودة بيبقي غدا مفتكس ومش متعب برضه
3. باقي طبق رز،باقي طبق شوربة، باقي عيش هيترمي عشان نشف،اي حاجة فاضلة من دول بعمل عليها فتة وساعتها البيه بياكل الفتة ومياكلش بقية الاكل من حلاوتها
4. باقي طبق شوربة كلاكيت تاني مرة بعمل عليه لسان عصفور واقسمه سلطانيتين صغيرين كمقبل جنب الاكل بيشبع قبل ماناكل اصلا
5. باقي طبق شوربةكلاكيت تالت مرة بعمله علي برام رز واحط فيه حتتين لحمة او قوانص واقدمه ع العشا
6.باقي سلطة خضرا ودي كانت مشكلة فظيعة لانها لو قعدت شوية بتدبل وتترمي بالكميات فبعمل ع العشا برجر او سندوتشات شيدر او جبنة تركي واحط عليها السلطة الخضرا ولو شوية مايونيز بتيقي زي المطاعم وبتكبر الساندويتش
7. باقي طبق شوربة خضار بيبقي فيه كذا نوع خضار بحطه ف صينية وفوقه الفرخة المسلوقة وادخلهاتتحمر ف الفرن ربع ساعة وعليهم شوية شوربة واعمل جنبه رز
8. باقي صوص اي حاجة (الفريدو، ميرميد، صلصة ايطالي بيضا) كله بيتحط علي السلطة الخضرا
لو افتكرت حاجة تاني هقولكم وياريت لو حد عنده وصفات للاستفادة من بواقي اكلات تانية يقول عشان الفايدة تعم الجميع
ولو عجبكم ياريت تقيموه
مواضيع هذا القسم برعاية
هتجوز هتجوز 385865_1.gif سوبر فتكات Fatakat 385865 الاسكندرية – مصر