السلام عليكم
انا كنت حابه افيدكو يعنى واقلكو على حلل نيوفلام لان تيوليب بصراحه بيعلى جامد اووى فى السعر وحسب الموديل كمان
انا هتكلم على الموديل الكلاسيك اللى كلنا عارفينه Aeni
بصو انا كنت فى كارفور بجيب الاجهزه وكده وجبت حلل نيوفلام من هناك كنت عاوزه الموديل اللى فى الصوره ده موش اى شكل تانى من الحلل نيوفلام
المهم انا كنت جايبه اسعاره من عرفه جروب ومن تيوليب وعرفت ان عرفه ارخص من تيوليب
ولما روحت كارفور شوفته بنفس السعر
انا لما جبت اعلى سعر من تيوليب واقل سعر من عرفه الاول كتبتهم فى النوته
وكنت اى مكان اروحه بقارن باللى انا كتباه بصراحه
جبت من كارفور الطاسات ووك وجريل وجبت حله مقاس 28 كانت ب 365 وشوفتها فى كارفور ب 290
وبعدين موش لاقيت باقى الاوان كان نازل الموديل الجديد
روحت مول الازهر عرفت من بنت انها جابت منه نيوفلام وموجود هناك
بصراحه اول دور مفهوش خاالص او فيه تقليد صينى
طلعت الدور اللى فوق شوفتها من بعيد وكده وشوفت الكرتونه نفس التصميم والتوقيع بس ابص فى الحله بتلمع اووى غير اللى انا جبتهم وشوفتهم فى تيوليب خاالص والواد واخدنى على اد عقلى ببص لاقيت مكتوب يوووفلام موش نيولافام مبديلن الحرفين يعنى بس نفس التصميم
بس لفيت عشان ارجع لاقيت واحد تانى حاططهم بصراحه الحمد لله طلع الاصلى وكل حاجه وبيجبهم اصلا من المورد وفيلت الحله
الحمد لله اصلى يعنى ونفس التوقيع عارفين بقله بقى الاسعار ايه
بس قلتله خلى بالك انا عارفه الاسعار ههههههههه وجيبها من كارفور قلتله قولى بقى حله 28 بكام قالى انتى عاوزاها قلتله لا انا جبتها بس بتاكد انك هتبيع بنفس سعر كارفور بيقلى امتحان يعنى
بس ضربلى سعر كده قالى بس ده قبل الخصم السعر اللى قاله كان نفس سعر تيوليب على فكره وحسبلى نسبه الخصم طلعت بالظبط زى كارفور او ازيد خمسه جنيه موش ازمه يعنى وقالى على باقى الاسعار وقالى حله 18 ب 205 هههه
وعنده كمان يابنات الكاسات الار سى ار ونوع تانى فرنساوى كده شوفته فى تيوليب برده نفس اطقم الكاسات الكريستال اللى فى تيوليب
وبصراحه بييبع جمله
يعنى الكاسات سعرها اقل من تيوليب بس لازم تاخدى 12 كاس ممكن تشكليهم 6 و6 فاهمين قصدى وعنده اطقم سكاكين وطقم توزيع سيلكون نيوفلام وكمان ارخص من التقليد اصلينى اللى ببيبتاع برا هو باعهلوى على 140 ونيوفلام اصلا لكن الصينى كمان سالت عليه كان ب 165 وتقليد
انا قلت اقلكو عشان لو حابين تجيبوها من كارفور او عرفه جروب او المحل ده
loly 2024 loly 2024 757711_1.gif سوبر فتكات Fatakat 757711 الجيزه – مصر