السلام عليكم ورحمة الله وبركاته
ردى السلام يافتوكة
رغم انى زعلانة منكم جداً جداً جداً وكنت ناوية معملش اى موضوع للافادة تانى عشان اللى بتعملوه
كل ما اكتب موضوع اسأل عن حاجة ميعبرنيش غير فتوكتين تلاته والباقى يجرى
طـــــــــــــــــــبـــــــــــــــــــــــــــــ ـــــــــ ليـــــــــــــــــــــــــــــــــــــــــــه
مع ان ردك مش هيكلفك حاجة عموماً انا فعلاً من غيظى مش بسامح اى واحدة تقرا وتجرى كدة
بس والله مقدرتش اول ما اكتشفت المكان وجبت الحاجات دى منه قولت انتو لاااااااازم تعرفوه
المهم بقى :_
اظن انتو فاكرين موضوعى لما قولتلكو عن محل النهضة ولو مش فاكرين اهو الموضوع
https://www.google.com/url?q=https://…ZelNCpeoY01ULQ
امبارح بقى وانا ماشية فى شارع السكة الجديدة اللى فى المنشية عند معرض الاهرام كدة
لفت نظرى استاند سكاكين ملون فى محل ادوات منزلية عاجبنى قولت عاوزة ادخل اسأل على الاحمر منه يمكن يكون عنده
دخلت المحل ملقتش حد طلعت على طووووووووووووول وخفت
بعدين لقيت واحد جايلى يقولى مالك اتفضلى اتفضلى
جيت ادخل قالى لأ لأ رايحة فين
قولت ايه الراجل الغريب ده مش هو اللى قال اتفضلى !!!!!!!!!
راح قالى ادخلى هنا هتلاقى اسانسير ادخلى ودوسى على رقم واحد هتلاقى اللى انتى عاوزاه كله
دخلت لقيته محل كبييييييييير لجوة كدة وفى انتيكات وتحف يونانى وتماثيل
وركبت الاسانسير كان معايا اختى وكنا بنقول دى اكيد الكاميرا الخفية
بصراحة كنت مقلقة بس مش عارفة ايه اللى خلانى اجرب
المهم طلعنا وفوق بقى وهــــــــــــــــــــــــــــــــــــــــــــــــ ــم
مفيش حاجة شوفتها فى السوق إلا ولقيتها عندهم اشكال والوان وانواع
كل اما اسأله على حاجة الاقيها عنده
استاندات اسكاكين دى كــــــــــــــــــــــل انواعها واشكالها والغالى والرخيص عنده
اطقم التوزيع كذلك
اطقم كاسات عنده من اول الزجاج الوحش لحد RcR وبوهيمى
حتى الحلل بانواعها واشكالها استانلس وتيفال
وعنده طرابيزات المكوى
تخيلو ان عنده اجهزة كمااااااااااااااااااان
اه والله عنده خلاطات وشفاطات وسيلك ابيل والحاجات دى كلها
والمفاجأة بقى انى اكتشفت ان سعره اقل من السوق والله بكتير
هقولكو اذاى دلوقتى
استاند السكاكين ده كان فيه واحد شبهه بس احمر X استانلس لما تروحه هتشوفوه عنده برده وكنت هموت عليه لما شفته عند كاربت سيتى ولما روحت اجيبه طلعهولى من الباترينة فكانت الشمس معلمة فيه
من كتر ماهو عاجبنى كنت هاخده على عيبه بس ماما قالتلى يمكن تلاقيه عند حد تانى قولتلها مفيش الشكل ده ومش هلاقيه كدة
قالتلى طب خلاص لما يجيب منه تانى والحمد لله انى مجبتهوش
كان عند كاربت سيتى والله العظيم ب 262 جنيه بعد الخصم كمان
لقيته هناك ب 225 جنيه وكان عنده نفس التانى بظبط بس انا عجبنى ده اكتر وهو بنفس السعر
يلا نتفرج عليه من جوة
هو 5 سكاكين ومقص الفراخ والاستاند
دى الماركة بتاعته اسمها الاندلس
وجبت طقم كاسات rcr تحفة وطويل اوى دى صورته
على فكرة هو معندوش فصال لأن الحاجة مسعرة بس انا لقيت بنات بيناقشوه فى السعر قولت اعمل زيهم
وبعد نقاش طوييييييييييييييييل نزلى 20 جنيه فى الكاسات كان ب 130 اخدته ب 110
والله لو كان معايا فلوس اكتر ساعتها كنت اشتريت اكتر بس المرة الجاية بقى لأنى مكنتش عاملة حسابى هشترى حاجة اصلاً
ومن الكارت عرفت ان ليهم اكتر من فرع
ده اللى ع الكارت ( آل فريد مول )
14 طريق الحرية بجوار سينما بلازا محطة الرمل _ 4868689
44 ش النصر المنشية _ 4812472
32 ش السكة الجديدة المنشية _ 4865445 _ 4877220 ده اللى انا روحته
عند معرض الاهرام
بصو بقى يافتوكات انا عارفة انى طولت عليكو معلش اصلى عاوزة انقلكو التفاصيل كلها
بس انا والله العظيم مش ببيع ولا ليا علاقة بيهم اصلاً ده محل اكتشفت عنه حاجات وقولت افيد البنات اللى ميعرفوش زيى
ووالله مش بعملهم دعايا ولا اعرفهم اصلاً
ومتبخلوش عليا بدعوة صادقة منكم ان ربنا يشفينى ويشفى امى من الدوالى شفاءً تاماً
ويجمعنى بخطيبى عاجلاً غير آجلاً
كمان بجد بجد انا تعبت فى التصوير وتصغير الصور والكتابة يعنى والله مش مسامحة اى واحدة تقرا وتجرى كالعادة
التقييم مش بعيد والرد سهل اوى مش هتخسرى حاجة بالعكس هتستفيدى لما واحدة تقراه وتستفاد
Nody Lola Nody Lola 482845_2.gif فتكات رائعة Fatakat 482845 alex – egypt