أزيكم يا فتوكات
ده أول موضوع ليا
وبصراحة انا فى الطبخ صفر
بس بتعلم واحدة واحدة بس ببدأ بالحاجات الجامدة زى دلوقت مثلاً
بدايتى معاكم بالكفتة والكبيبة
وحصــــــرى وإن شاء الله جديد يا قمراتى
مين فيكم من بــــــورسعـيد
أكيد اللى من بورسعيـــــــــد هيعرف الأكلة دى
بس مش بأى حاجة "بالكاليمارى "
المقادير:
رز مندى
كاليمارى
بصل
طماطم
توم
الخضرة :
حباش
كسبرة
بقدونس
وشوية نعناع
البهارات:
ملح
فلفل أسود
كمون
قرفة بودر
بهار سمك
بابريكا
كسبرة
الطريقة:
زى ما فى الصـورة كـده
* بنجهز كل المطلوب
// بس بنقسم البهارات ل 3 اقسام
قسم على العجينة بتاعت الكارى مارى والخلطة
وقسمين فى الحلتين اللى هنشوفهم دلوقت
// وبنقسم البصل والتوم ع 3 اقسام
قسم مع العجينة
وقسمين على الحلتين
* وبنجيب الرز بعد ما نشف من المايه بس يكون مندى ونطحنه فى المطحنة لحد ما يكون بودرة
*وبعدها بنكون محضرين كمان المفرمة بنفرم كل الخضرة مع الكارى مارى والبصل زى ما انتوا شايفين
* وبنكون فارمين حبة بصل مع ثوم ونحطهم فى الحلة مع شوية زيت ع النار لحد ما يكون لونهم دهبى كده وبنقوم حطيبن معاها حبة بهارات جزء من البهارات دى ونحط مقدار مايه
ونسيبهم يغلوا لحد ما يتسبكواا
*وبعدين بنجيب حلة تانية وبنعمل نفس الكلام بس بنحط الأول البصل والتوم مع الزيت وبعد ما يكون لونهم دهبى بنحط صلصة وبعدين نحط البهار ونسيبها تتسبك زى ما انتم شايفين كده
* طبعاً بعد ما فرمنا الكارى مارى والخضرة كلها بنقوم جايين وحطين عليهم البهارات اللى قولنا عليهم ونعجبهم تانى بإيدينا مع الرز زى ما انتوا شايفين كده
* وبعدين زى الشطار كده بنجيب حبة مايه وممكن نحط عليهم كام نقطة زيت ونصبع يا فتوكاتى بأى شكل
فيه شكل الدايرة وفى الصوابع وساعات بنعمل العروسة لو حد يعرفها فيكم
* وبنقوم حطينهم فى الحلتين على النار لحد ما يستوا وممكن نحمرهم واتفضلوا طبقين حلوين أهو ليكم
معلش نسيت اصور كمان الكفتة اللى بطماطم
وبالهنا والشفا
تكات خفيفة مع سموءة
* من الممكن إن الرز يكون ناعم وخشن بس الناعم بيكون للكفته بس
أما الخشن فبيكون للكبيبة
متنسوش التقييم عشان احبكم
وعايزة ردود زى الرز
ياريت وقتكم ميكونش ضاع معايا هدر
مواضيع هذا القسم برعاية
سمووووووءة سمووووووءة 292536_41.gif فتكات ست الكل Fatakat 292536 بـورســـــــــعيد – مـــــــــــصر أمـ الدنـــــيا