السلام عليكم الاول كدا
————————————
بصو بقى اللى حصل فى اخر سبعه كدا نزلت فيصل عشان أحجز الفستان والكوافير وبما انى اصلا من محافظه تانيه فمكانش ينفع انى اشوف غير فى فيصل المهم يعنى اللى حصل انى أجرت فستان من اتيليه عادل المصرى ويعنى مكانش داخل دماغى اوى
المهم يعنى زى ماانتو عارفين ان كل عروسه بتحلم ان فستانها يبقى احلى فستان وانا طبعا محسيتش دا فى الفستان دا وانا أجرته ب900 جنيه ونزلته هنا على فتكات ويعتبر كان فى اجماع ان الفستان مش حلو واشوف غيره
المهم كلمت خطيبى وقولتله مش عاوزا ه وقد كان بقى هو جه من السفر الحمدلله ونزلت فيصل لفينا عالاتيليهات الكلام دا كان امبارح وبصراحه الفساتين تيت ومفيهاش حاجه ملفته وكلها أوفر اوى فى الشغل وانا بحب الحاجه البسيطه وروحت الاتيليه تانى وشوفت الفستان اللى انا مأجراه والله العظيم متمرمط قفلت منه اكتر وبعد لف كتير قررت
انى انزل الوكاله وانا برده قلقانه لتكون الاستايلات هناك بيئه وشعبى والحاجات اللى شغلها اهبل وكشكشه كتير وغبيه كدا
بس دى كانت اخر امل ليا
والحمدلله من اول محل لاقيت فستان عجبنى اوى هو تل من تحت وشغله من فوق بسيط رقيق كدا وفاصلت وجيبته بطرحته ب1100 وجديد خالص ونضيف جدا يعنى استحاله يكون حد لبسه قبل كدا
والتشكيلات اللى هناك احلى كتير من اللى فى الاتيليهات وزى ماانتى عاوزه هاتلاقى يعنى هاتلاقى فساتين اقل من السعر دا كتير واللى بتتأجر بره بسعر عالى
شهاده حق انا مبسوطه بنزولى الوكاله للمره التانيه اول مره وانا بشترى قماش الستاير واللى فعلا تحفه وعاجبنى جدا
والمره التانيه فستانى
تسألونى بقى وتقولولى فين الصوره
والنيعمه كنت عاوزه اصوره عشانكو مخصوص بس الصوره بقى على موبايل خطيبى بس ان شاء الله انزلهولكو وانا عروسه بقى
———–
ونصيحه للى لسه محجزوش انزلى الوكاله وانتى الكسبانه والله
فيروز24 فيروز24 912221_5.gif فتكات هايلة Fatakat 912221 الجيزه – مصر
سبحان الله و بحمده