السلام عليكم ورحمه الله وبركاته
(ردو السلام من فضلكم )
ازيكم يا بنات عاملين ايه ؟؟
طبعا مش كويسين ؟؟ ما هو اصل اللى هيدخل القسم دى هيبقى ايه غير واحده تخييييييينه ومش عاجبها حالها وعايزه تخس او واحده عملت ريجيم وخست 20240 كيللووو ( فى شهر بقى فى سنه اى كانت المده ) ورجعتهم تانى واكتر وهتولع فى نفسها
او حتى واحده رفيعه نفسها ومنى عنيها تزيد ولو كيلو واحد
بصو اولا المشكله لا هى مشكله بتاكلى كتير ولا بتاكلى قليل ولا انتى بتاكلى شوكولاته ودهون ولا فواكه وزبادى
المشكله فى الاصل فيكى انتى .. فى دماغك الناشفه دى ( خلى بالك انا مقلتش مشكله اراده انا قلت مشكله فى دمااغك )
وقبل ما حد يتنح لى ويقفل مخه قبل ما اكمل كلام اصلا تعالى معايا اوريكى بعنيكى صدق كلامى بعدين افهمك غلطك و نصلحه مع بعض
احنا عندنا دلوقتى مشكلتين ( التخيييييييينه اللى عايزه تخس ) , و ( الزعزوووووعه اللى عايزه تتخن ) صح ؟؟
طب تعالو بصو على بعض كده ( عيشو انتو الاتنين مع بعض فى بيت واحد مره كده )
هتلاقى التخينه دى عامله ريجيم ومش بتاكل غير فاكهه وزبادى ومعرفش ايه (حاجه تعذيب الصراحه ) ويوم ما تاكل واحده شوكولاته يا لهوىىىىىىىى كده تبقى عملت غلطه السنين والتنين فى حق نفسها وكده هتزيد 3 كيلو بدل ما كانت هتخس (مع الريجيم ) كيلو وحيد يا عين مامته فى الاسبوع — الكلام دى بيحصل الصبح ويتوقف الاكل بليل خااالص
والرفيعه بتاااكل 40 شوكولاتايه فى اليوم و100 مج كاكاو وفرختين كاملين -هههه- وزى ما هى لحم على عضم —- مع العلم ان كل اكلها بيبقى غالبا بليل
كلامى صح ؟؟؟ —- صح كلامى
تبقى بالعقل كده فين المشكله ؟؟ اكيد المشكله مش فى الاكل لان كان هيبقى التأثير متساوى على جميع الاطراف إما ان الكل يتخن او الكل يرفع
طبعا انتو دلوقتى اتلغبطو و100 الف حاجه وحاجه جت فى دماغكو ومش مصدقين علشان كده انا هرتب موضوعى فى عده نقاط وهشرحهم بعد كده
اولأ : افهمك انتى بتتخنى او بتخسى بسبب ايه اصلا
ثانيا: اقولك ازاى ان الغذاء العالى السعرات مش بيتخن — ( اخليكى تثبتى لنفسك ان الريجيم ملوش اى 30 لزمه )
ثالثا الشهيه العصبيه ( اللى موجوده عند الرفيع والتخين )
رابعا " تعليقات معروفه :
الخطا المنتشر عن الغده الدرقيه
استثناء بعض الحالات المرضيه
….
بسم الله الرحمن الرحيم :
بصى اولا هقول معلومه بسيطه ليها علاقه بباقى كلامى :
عندنا حاجه اسمها العقل الواعى والعقل اللاواعى ( اللى هو العقل الباطن )
العقل الواعى دى اللى بنستخدمه غالبا فى تعاملتنا اليوميه و فى الحاجات الاراديه اللى بنعملها بإرادتنا
(زى مثلا اغمض عينى وافتحها )
العقل اللا واعى هو المسؤل عن الحاجات اللا اراديه فى جسم الانسان زى مثلا دق القلب وحركه الامعاء وكده
طيب نيجى بقى لموضوعنا بقى اللى بيحصل علشان نتخن او السبب فى التخن هو الاتى:
ان مثلا تيجى واحده تقولك يا نهار ابيض انا كلت النهارده بطاطسايه بزيت او كلت شوكولاته دى الحاجات دى بتطخن
هيا مسجله فى عقلها ان الحاجات بتطخن
اللى بيحصل ان العقل بينفذ كل اللى متسجل فيه يقوم جاى محول كل الاكل اللى كلته دى لدهون او مركبات عاليه الطاقه ويخزنها تحت الجلد فيسبب السمنه
طيب لو حد كل بقى وهو معتقد ان الاكل دى مش بيأثر فيه اصلا بالعكس دى بيحس انه بيرفعه مش بيطخنه ( فى حاله الناس اللى بتعانى من النحافه )
اللى بيحصل برررررده ان العقل متسجل فيه ان الاكل مش بيطخن خاالص بالعكس دى بيادى لنتيجه عكسيه بيخسس
فيعرف الجسم ان هو مش محتاج يخزن الفائض من الدهون والمركبات عاليه الطاقه تحت الجلد لان مش متسجل عنده انها بتطخن
يقوم جاى مطلللللع الفايض كله مع الاخراج او يؤدى للنشاط بسبب ان هوا طلع طاقه كتير
### نقطه كمان مهمه جدا :
دايما الشخص البديين متسجل فى عقله صووررته ان هو تخيييييين وعنده كرررررررش وهيفضل طول عمره كده حتى لو كان بيفضل يقول عايزه اخس بس هو مقتنع من جواه ان هو تخييين والعقل بينفذ الصوره المحفوره جواه
وعلى العكس الشخص الرفيع محفور فى عقله اللا واعى ان هو رفييييع جددددددددا فهيفضل كده طول ما الصوره محفوره جواه كده
طييييب تمااااااام
ثاااااانيا بقى موضوع الريجيم ازاى ان الريجيم بيجى بطريقه عكسيه ؟؟؟
اقولك اول حاجه بتحصل لما تعملى ريجيم ايه هيا ؟؟ الحرمااااان ( واحده هتقولى لا خالص الريجيم اللى انا معاه مش بيسبب اى حرمان — اقولك كفايه انه حدد لك وقت معين للاكل انتى مجبره تاكلى فيه او حدد كميات معينه )
المهم الحرماااان بيحصل وكده الجسم بيفتكر ان هو داخل حرب فيبدأ يخزن اى حاجه بتدخل ويحولها لدهون تحت الجلد طيب انتى عامله ريجيم قاسى ومش بتدخلى له اى حاجه بيضر يحرق من الدهون اللى عنده علشان يديكى طاقه ( بتبقى طاقه منخفضه ) لحد ما تدخلى له اى اكل ( سواء كان شوكولاته او زبادى اى كان ) يقوم جاى راجع محوله لدهون تانى
وهكذا تفضلى فى حرب مع عقلك كده واحيانا بتنتصرى انتى فى الحرب دى بصوره مؤقته ودى اللى بيخلى الريجيم يخسسك طول الفتره للى انتى بتعملى الريجيم فيها
لحد اول فرصه تبدأي تاخدى نفسك فيها وتاخدى فرى من الريجيم هوووووووووووووووووووووووووووب عقلك يرجعك تانى للصوره المتخزنه فى عقله وللحاله الطبيعيه بتاعته وترجعى لوزنك اللى انتى كنتى فيه قبل الريجيم وممكن تزيدى عليه كماان
المختصر المفيد :
طول ما التخين حاطط فى دماغه انه تخين وشايف صورته وهو بالكرش وتخين وحتى لما يخس خااااااااايف ليرجع تخين تانى هيفضل يخس ويتخن يخس ويتخن عمممممرررره ما هيخس ويفضل رفيع غير لما الصوره اللى جوا دماغه دى تتغير والافكار السلبيه دى تبقى ايجابيه
( ودى اللى هقولكو على طرق كتير له فى المشاركات )
والعكس تماما مع الرفيع
بصو يا جماعه الموضوع دى انا بعمل فيه ابحاث اصلا وهدخل بيه مسابقه ان شاء الله كمان
وقولت ان ادام الواحد عرف علم لازم ينشره
علشان كده هعمل جروب اسمه
جرووووب العيال الجامده من غير ريجيم ولا تعذيب
بس لازم اللى معايا يقولى تقرير يومى وينفذ التعليمات والتدريبات البسيطه اللى هقوله عليها _( تعمليها وانتى بتغسلى المواعين ولا حاجه
)
على فكره الموضوع لسه يتبع وفى فيديوهات وحالات متصوره بتحكى قصتها وازاى انها خست بإراده العقل
هحطها فى المشاركه الجايه ان شاء الله بس انا معلش تعبانه خالص وعايزه انام لان عينى بتوجعنى
هكمل بكره ان شاء الله وعليكو خيرر
لو سمحتى ادعولى ان ربنا يهدينى ويحقق لى كل اللى نفسى فيه واللى فيه خير ليا
وقيمى لو عجبك
ودى فيديو صبرو بيه نفسكو :
يتببببببعععععع
تنبييييييييه هااااااام يا جماعه اللى انا بقوله دى مش معناه ان انتى تعدى تااااكلى كتييير وتقولى انا مش هطخن اول ما تسمعى الكلام دى
انتى لسه موصلتيش لدرجه الايمان الكامل بالموضوع لسه الصوره فى عقلك متغيرتش ممكن تكون اتهزت بس لسه متغيرتش
فانتى كده هتاكلى وتطخنى برضه لالالالالالالازم تتغير الصوره اللى فى دماغك الاول
انتى اصلا نتيجه لتغير الصوره فى عقلك ممكن مثلا تقل كميه اكلك لوحدها لانك هتشبعى بسرعه حسب كل جسم وطريقته ممكن ميقلش اكلك بس تلاقى نشاطك زايد
وهكذا …..
بنوته_قمر بنوته_قمر فتكات رائعة Fatakat 307448 دوله النت مدينه المدونة – مصر