السلام عليكم ورحمة الله وبركاته
حبيباتى فتوكاتى
النهاردة جيبالكم تجربتى فى استخدام الاعشاب الطبيعية لسد النفس عن الاكل
بعد تعب والله من الريجيمات وانى اخس وارجع اتخن تانى بسبب الحمل والرضاعة وعدم الحركة وفى النهاية
مبقاش عندى ارادة نهائى انى اعمل اى رجييم وبقت نفسى شرهة جدا للاكل وبحس بالانتقام
لغاية مرة وزن نفسى لقيت انى داخلة على 100 كيلو اتصدمت ودخلت على النت ولقيت وصفات طبيعية لسد الشهية وتخسيس البطن وحرق الدهون
مكدبش عليكو انا جبت كل الاعشاب الغريبة دى من العطار وطحنتهم وغليت المية وحطيتهم فى ترمس الشاى وبشرب منهم كل شوية وعلشان مش افتى انا معرفش اذا كان كتر شربهم فيه مشكلة ولا لا
على العموم انا حبيت اكتبها هنا للافادة وادعولى بجد انى اخس
بس احب اعرفكم انها عاملة مفعول جبار معايا جدا
انا بقيت باكل علشان بس مش ادوخ واعرف اشتغل فى البيت
لكن مبقش لى نفس للاكل خالص والله
الاعشاب هى
100 بذر الرجلة
50 جرام خردل
50 جرام كابلى
50 جرام بردقوش ( مع العلم انى مش استخدمت كل 50 جرام لانه كتير اوى )
50 جرام كبيبة صينى
50 جرام مرامية
50 جرام بابونج50 جرام اكليل الجبل( الروز مارى )
جنزبيل
شاى اخضر
قرفة
الاعشاب دى مش تتغلى
دى تضعى عليها مية مغلية وتغطيها وتصفيها وتشربى
طعمها مش وحش وخصوصا انى بحط عليهم حبات قرنفل
وعلى فكرة بدات بطنى تنزل وجسمى بدا يتضبط فى وقت ملحوظ
مع العلم انى بدات امشى كل يوم ربع ساعة
اتمنى تستفادو وتدعولى
ويااااااااااااااارب نخس كلنا لانه فعلا مرض رخم
فى رعاية الله
lamya_78 lamya_78 فتكات نشيطة Fatakat 393490 جدة – المملكة العربية السعودية