السلام عليكم ورحمه الله وبركاته
واللهي يابنات النهارده تعبت تعب من الست لازنيا هانم لغايت لما خلاص خلصت
بس كله يهون عشان خاطر عيونكم
هانخش علي المقادير والطريقه وبعدين اسيبكم مع الصور
بس الاول لو وراكي حاجه خاصيها الاول وتعالي ريحي عندي
اصل الموضوع مطول حبيتين
بسم الله
المقادير
اولا /العجينه
3 اكواب دقيق
3 بيضات
زرة ملح
ماء حسب الحاجه
الوان غذائيه صحيه
او سبانخ بوريه وجزر بوريه وصلصه او بنجر بوريه بدلا من الالوان لو كنت شكه في مصدرها
ولزياده القيمه الغذائيه
ثانيا/ الحشوه
سجق اسكندراني
فلفل رومي
طماطم
بصل عادي واخضر
ثوم
كوب صلصه
بهارات مشكله وملح وفلفل
ثالثا/ البشامل
1.5 كوب ماء
2 ملعقه حليب بودره
3 ملعق كبيره دقيق
3 ملعق سمنه
ظرف ماجي فوريه
الطريقه
اولا /العجينه
يقسم مقدار الدقيق الي 3اجزاء والبيض ايضا والملح والماء
وتعجن المقادير كلا علي حدا
باضافت كوب دقيق و1 بيضه وزره ملح والوان وتعجن الي ان تصبح عجينه متماسكه وتلم بالماء اذا احتاجت لذلك بس متكتريش
وتترك لترتاح الي ان نكمل الحشو والبشاميل
ثانيا /الحشوه
تقطع كل المكونات شرائح وتشوح علي النار بملعقه سمنه
ثم بعد النضج 50% وبعدين نزودها كوبايه الصلصه ونبهارها ونملها ويدوبك تغلي شويه ونطفي عليها
وبكده تبقي الحشوه جاهزه
ثالثا / البشاميل
انا بعمله بدون تحمير للدقيق عشان يبقي خفيف
نضع كل المكونات مع بعض ونقلبهم بمضرب السلك علي البارد وبعدين نحطهم علي النار
مع الاستمرار في التقلب بالمضرب لغايت لما نوصل للقوام المتوسط المناسب
وبكده حضرنا الاساسيات
استنوني في فرد العجين والسلق ورص الطبقات
والتقديم
مش قولتلكم الموضوع كبير كبير كبيــــــــــــــــــــــــر
استنوني بس ياريت متردوش غير لما اخلصكله
عشان اديكم طبق لما تستوي مش معقول تيجو تمشو من غير ما اوجب معاكم
مواضيع هذا القسم برعاية
مشتاقه الي رحمه الله مشتاقه الي رحمه الله 25244_9.gif فتكات هايلة Fatakat 25244 القاهره _ربنا يخرجنا منها على خير – مصر ام الدنيا