السلام عليكم ورحمة الله وبركاته
مساء الفل على البرنسيسات ^^
ندخل فى الموضوع بقى
انا من عشااااااااااااااااق الجسم الجااااااااااامد
و بكره حاجة اسمها تخن جدا جدا جدا جدا يعني
مش قصدي بكره الناس التخينة …. عشان محدش يفهمني من الجنب
المهم
بصوا يا بنات انا عارفة ان اصعب حاجة فى الدنيا هي الريجيم
وان الواحدة بجد بيطلع عينها فيه
و من اول يوم تحسي انك هتموتي وتاكلي بطاطس محمرة و تجيبي شيبسي و تشربي بيبسي و تاكلي حلويات و و و و
رغم انك بجد بجد نفسك تخسي اوى اوى
الموضوع صعب صدقيني
وماتفتكريش ان عشان انتى بتتعبي بسرعة منه تبقي ضعيفة
لأ ماتفتكريش كده نهائي دي حاجة طبيعية كلنا بنمر بيها
دلوقتي بقى انا ف موضوع هتكلم عن كذا حاجة واحتمال موضوعي ده يغير حياتك و 99% انه مش هيعمل كده
بصوا بقى
انا طولي 164 تقريبا ووزني ولا اعرف حاجة عنه
بس اللى اعرفه اني رفيعة …. ولا رفيعة ولا تخينة طبيعية يعني جسمي كويس ومايلة للرفع
بس انا برضه عايزة اخس اكتر ,,, طفاسة بقى
عايزة اوصل لشكل جسم معين
و هبدأ من النهاردة ف تنفيذ الموضوع ده
**************
بصي من الاخر هقولك الجملة اللى بحبها اوى
No Pain No Gain
ومشوار الألف ميل يبدأ بخطوة واحدة
و أنا أريد اذا أنا أكون
هتقدري تخسي وتوثلي للشكل اللى نفسك فيه !!!!!!!!
عارفة لو عايزة تخسي 100 كيلو؟؟؟ هتعمليها برضه والله العظيم لو عندك الارادة بس
اى حاجة فى الدنيا قابلة للتحقيق
ومجرد انك تحلمي بحاجة يبقى ده معناه انها قابلة للتنفيذ
كل يوم الصبح اول ما تصحي غمضي عينيكي ….. وتخيلي جسمك بالشكل اللى انتى عايزاه بالظبط
و ابتسمي وقولي هوصل للشكل ده مهما تعبت ومهما كان الموضوع صعب
**********
في ممثلة معينة بتحبي جسمها ونفسك تبقي زيها؟؟؟
انا عن نفسي نفسي اوصل لجسم Evangeline Lilly
وبحب جسم Sarah Wayne
يعني دول المفضلين عندي
انتى بقى اعملي حاجة بسيطة
هاتى صورة للمثلة المفضلة عندك و حطيها باك دروند على الكمبيوتر وعلى الموبايل ( لو في غيرك بيستخدم الكمبيوتر يبقى على الموبايل بس )
و كل ماتحسي انك هتستسلمي وهتاكلي حاجة مش مسموحة بصي للصورة على طووووول
واحلمي بنفسك لما تبقي بنفس المنظر ده
وعن نفسي بالاضافة للمثلتين اللى قلتلكوا عليهم فالبنت دي بقى بتخليني بجد بجد اتحمس جداااااااااااااااا
https://www.youtube.com/watch?v=hqDDx…feature=relmfu
يعني جسمها بسم الله ما شاء الله الله اكبر من احسن الاجسام اللى شفتها ف حياتي
واضح اوى التمارييييييييييييين اللى بتعملها و الاكل اللى بتاكله يعني اكيد مظبطة كل حاجة
**************
اتعبببببببببببببببببي …. اتعبي عشان توصلي لهدفك ^^ و حاولي على قد ما تقدري ماتستسلميش وماتضعفيش ابدا
و انا هنا هقولكوا انا قررت اعمل ريجيم ايه
هعمل ريجيم البطاطس المسلوقة !!!
المفروض ان الريجيم ده بيخسس 5 كيلو ف 4 ايام
حاساه خيال وكلام فاضي صح؟؟؟
انا كمان حسيت بكده
بس بجد من الكومنتات اللى قريتها والمواضيع اللى شفتها عنه بنات كتييييييييييييييييييير بتحلف بيه
عبارة عن ايه الريجيم؟؟؟
عبارة عن انك تاكلي فقط بطاطس مسلوقة لمدة 3 ايام وبعدين يوم فري تاكلي اللى انتى عايزاه ( لكن من دون مبالغة يعني برضه ماتنطلقيش اوى )
وبدون اضافات غير الفلفل الاسود و الليمون وبلاش الملح
وبأأأأأأأي كمية تحبيها
*****************
طبعا الى جانب ده تاكلي سلطة براحتك و عندك الخيار والخس حلوين اوى للسلطة وممكن تتسلي بيهم كل ما تجوعي
الشاي الاخضر رائع رائع رائع
الفاكهة مسموحة ماعدا المانجو والبلح والتين والعنب
ليكي معلقتين سكر فى اليوم
و طبعا اهم حاجة 8 كبايات ماية كل يوم
************
انا هجربه من بكرة ان شاء الله ^^ و هقولكوا النتيجة
بس اسمعي كلامي وحاولي تتغيري سواء بالريجيم اللى انا قلت عليه او بأي نظام انتى عاملاه لنفسك
وعلى رأي كاظم الساهر لما قال : يا جسد يقطع مثل السيف ويضرب مثل البركان
shereen ss shereen ss 33155_2.gif فتكات رائعة Fatakat 33155 الاسكندرية – مصر