بصو انا النبض وقف عندى مرتين قبل كدة
اول مرة حصل جماع ونزل دم والدكتور قالى النبض بخير وبعدها ب 10 ايام كان اخر الاسبوع السابع النبض وقف وعملت عملية كحت
حملت بعدها ب 6 شهور وبردو ف الاسبوع السابع نزل دم عشان كان عندى كحة شديدة واكشف النبض بخير وبعدها باسبوع النبض وقف والدكتور قال السبب تجلط ف الدم واما عملت العملية وحللت الجنين طلع فى تشوه بعد الشر عن اى حد يارب
ومن ساعتها وانا ماشيه ع جوسبرين للسيوله وفوليك اسيد عشان التشوه
بعد 4 شهور حملت وخدت حقن كليكزان وجوسبرين وكوبال اللى هو فوليك اسيد ونوعين مثبت برشام ولبوس
ف اخر الاسبوع الخامس شاف الكيس ووقف اللبوس
وقفته يوم تانى يوم نزل دم رحتله قالى النبض بخير ورجعلى اللبوس تانى وقالى راحة تامة
ومن ساعتها مبتحركش الحمد لله والدم اترفع مافيش غير يوم نسيت اخد لبوس نزل افرازات بنى واول ماخدته اترفعت الحمد لله وبقالى ييجى اسبوع بينزل افرازات ببضا
رحت اول امبارح قالى النبض كويس جدا الحمد لله وامشى ع نفس العلاج وزودلى فيتامينات بس
امبارح بصراحة اتعصبت اووووووووووووى ونمت معيطة والنهاردة الصبح بس هديت خالص بعد الصلا الحمد لله وطول النهار نايمة على ظهرى كالعادة قايمة دلوقتى الاقى بقعة دم حمرا كبيرة ف الاندر وحاسه بنبض الرحم اوى ومغص خفيف
مش عارفة ده بسبب النرفزة ولا انا اللى حملى كله مشاكل ولا ايه
ادعولى بالله عليكو
aya ayoosh ayooya aya ayoosh ayooya فتكات متميزة Fatakat 876863 القليوبيه – مصر