انا انسة عندى 23 سنة
طولى 165 ووزنى 90 بس جسمى يبان 80
و انا من النوع العصبى جدا مش اللى هو باتعصب لكن باتوتر من اى حاجة ودايما ضغطى عالى ودايما مهزوزة وتعبانة كانى ست عجوزة
نفسى حد يفيدنى انا عندى نهم فظيع اوى ف الاكل بجد بجد انا تعبت من طريقة اكلى انا فعلا باحس انى مفجوعة جدا فى الاكل وباكل بسرعة جدا وكميات رهيبة كانى محرومة وعمرى ما شفت اكل
وكل ما اكل كل الاكل ده محسش انى كلت وافضل عاوزة اكل تانى لحد ما اتعب من كتير الاكل وانام
وسبحان الله برضه بيجيلى ايام كتير ممكن يعدى يومين مش ليا نفس ولا طايقة الاكل
انا فعلا باحس انى باطلع غضبى فى الاكل بس تعبت من طريقتى و رغم انى فى البيت محدش غريب شايفنى بس تعبت من شكلى قدام نفسى كل شوية اكل اكل وبسرعة رهيبة كانى محرومة لدرجة انى اقعد افكر كل شوية فى اكل وانزل اشتريه وكمان مصبرش وباقعد اكل منه شوية وانا ماشية فى الشارع
و كمان مبعرفش امنع نفسى لما اكون فى مكان او عند ناس ان لو فى اكل مبصش عليه ويبان عليا انى جعانة رغم انى مش جعانة ولا حاجة لكن دايما النهم اللى عندى ده مخلينى كده وطبعا ده بيتعبلى نفسيتى عشان شكلى بيبقى وحش اوى قدام الناس اللى بكون عندهم يقولوا عليا محرومة
انا بقيت خايفة اوى ان طريقتى دى فى الاكل تبان كمان قدام الناس ويبقى شكلى قدامهم ايه
انا فيه حجات كتيرة فى حياتى وحشة و مظلومة فيها وعشان مش قادرة استحمل الظلم والقهر اللى انا فيه حالتى النفسية بجد بجد صعبة جدا لدرجة انى خلاص بقيت متوقعة هيجرالى حاجة اكيد بسبب حالتى النفسية
المهم دلوقت انا عاوزة حد يساعدنى اعمل ايه ولا امنع نفسى ازاى محدش يقولى اتحكمى فى نفسك انا مبحسش بنفسى انا باكل بطريقة لا ارادية كأن حد بيحركنى او حد بيأمرنى باحس ان عقلى غايب تماما
انا عارفة ان اول حل انى اروح لدكتور نفسى عشان حالتى النفسية هيا السبب بس ده حل مينفعش ابدا انا والدتى بتتعالج من مرض نفسى والعيلة عندنا كلها عارفة و مفيش غير انا ووالدتى واختى لان والدى متوفى فالمسئول عننا خالى الكبير وطبعا والدتى هتقوله لو رحت اتعالج عند دكتور نفسى ومراته مسيطرة عليه جدا وهتفضحنى وهى نفسها دايما ف كده لانها بتكرهنا جدا يعنى مستحيييييييل ينفع اروح لدكتور نفسى لانى كمان بنت و الناس هتتكلم عليا ومحدش هيرضى يرتبط بيا وانا عن نفسى مش عاوزة اخد مهدئات لانى جربتها مرة وتعبتنى اكتر
اعمل ايه بس ياربى فى نفسى مفيش اى دوا يسد نفسى ميخلنيش ابقى عاوزة اكل انا تعبت وكرهت نفسى اكتر ما انا كارهاهها
تعبت وخايفة الناس تقول دى عنيها فى الاكل لانى عمرى ما كنت كده ولا عمرى بصيت لاى حد فى اى حاجة معاه
يارب محتاجة رضاك عنى يارب محتاجة رضاك عنى فتكات متميزة Fatakat 733693 المنصورة – مصر