السلام عليكم ورحمة الله وبركاته
انا والله بكتبلكم وانا قلبي بيتقطع ومحدش معايا وجوزي مسافر
الحكايه اني بقالي 5 سنين بعاني عشان الحمل والحمد لله ربنا كرمني من سنه ولكن قدر الله
وما شاء فعل ومات الجنين وركن في بطني وكنت هموت انا كمان ولكن ربنا كتبلي عمر جديد
الحمد لله ربنا عوض ثبرنا خير بحمل جديد وانا في الشهر السابع دلوقتي
ولكن يا جماعه قلبي انفطر لما روحت اتابع عادي عند الدكتور وقالي ان راس الجنين صغيره اوى عن عظمة الفخد
تقريبا ما بتكبرش بقالها 6 اسابيع يعني انا في الاسبوع ال30 والراس لسه 24 اسبوع والله هموت خلاص
الدكتور حولني على اشعه تانيه نفس النتيجه وشخصوهالي على انها حالة ميكروسيفالي يعني ضمور في الراس وطبعا في المخ
يعني بنتي هتبقى متاخره عقليا يارب لطفك بينا اللهم لا اعتراض
انا مش عاوزه اموت ضنايا اللي اشتاقتلها سنين وسنين والله شوفت الويل على ماحملت وعملت صبغه كم مره وكم عمليه
غير ملامة الناس رحمتك يارب
دلوقتي انا مش عارفه اعمل ايه ومحدش عمره هيحس بالنار اللي جوايا وجوزي جاي ان شاء الله بكره او بعده هو كمان هيموت م الحزن اللهم لا اعتراض
بالله عليكم ادعولي بالصبر وان ربي يخلف كل الظنون والراس تكبر انه على كل شئ قدير
ادعولي ربنا يعمل معانا معجزه ويحفظهالنا من كل شر وسوء انا مش مستعده افرط فيها والله بس بتعذب وقلبي بيتقطع م الوجع وحاسه ان الشهرين اللي باقيين على الولاده كانهم سنين حاسه اني في كابوس
بالله عليكم حد فيكم حصله كده حد قالوله ان الراس صغيره وطلع الطفل طبيعي ؟
ادعووووووولي وربنا يلهمنا الصبر و يرحمنا برحمته الواسعه
paradise river paradise river 813149_1.gif فتكات رائعة Fatakat 813149 riyadah – saudi arabia