السلام عليكم ورحمه الله وبركاته ياحلى فتوكات فالدنيا
انا مواضيعى فالقسم دا قليله لكن انا مبكتبش غير مكون رجعالكو باختراع
دا تانى اختراع حصرى لفتكات
افكركو بالاختراع الاول كان جهاز تصنيع الزبادى ب 8 جنيه وبس وهتلاقوة فمواضيعى
ندخل بقا فالاختراع اليوم
زى مالعنوان بيقول اخترعت شوايه للفحم من شوايه الكهربا يعنى من الاخر حدت ميزى الشوايه الكهربا وهى الحراره المستمره لتوليع قطع الفحم بدل مطول منا قاعده اهش وانش عالفحمايتين عشان تفضل مولعه لانى لو مهويتش هاتتطفى ونقعد ندور عند الجيران ع محمايتين
والشوايه الفحم خدت منها ميزة الفحم وريحته الاكتر من رائعه
المهم
هاجيبلكو الفكره من الاخر
فالاول كلكو عارفين شكل الشوايه من الاخر انا عملت ايه
تبلت اللحم من بالليل وجيت شغلت الشوايه عاااااااااااادى وبدات تسخن
قمت رصيت قطع الفحم عليها
وبدات قطع الفحم تسخن وتولللللللللللللللع
جبت شبكه تانيه عندى بتاعه الفرن الكهربا بتبقا ليه رجلين منها فيها من اربع نواحى ثبتها فوق الشبكه الاصليه بتاعه الشوايه
,الصوره دى هتوضح
واضحه يابنات
شايفين لسخان تحت خالص اهوة احمر وفوق الشبكه عليها لفحم وفوقه الشبكه الاضافيه اللى حطهاله
وبدات ارص قطع اللخم المتبل والكفته المتصبعه
ومقولكيش بقا الريحه ملت البيت ريحه الفحم الروعه
وكمان عملت افتكاسه بقا ليكو يافتوكات عشان انتو حبايبى
ايه بقا
الاول تتبيله اللحمه كالاتى
ميه بصل عصير طماطمايه عصير نص برتقاله او معلقتين كبار وخل وملخ وفلفل اسود وبابريكا وبهارات مشكله نص معلقه
وتانى يوم بعد مرصيت اللحمه خدت الصوص دا فطبق وعليه معلقه صويا صوص وبالفرشاه ابلل اللحمه وهى عالشوايهمن الناحيتين عشان احافظ على طراوه اللحمه متنشفش منى
طبعا الصويا صوص ادت لون هايل للحمه والكفته هاوريهالكو بس انا جيت بقا قرب السوا
رصيت العيش البلدى الرائع فوق اللحم عشان يسخن وياخد من نكهه الشوا
دى الاول صوره الحم والكفته وانا بديهم وش بالفرشاه اللى فيها الصوص بتاع التتبيل ةالصويا صوص
ود الشكل النهائى بعد السوا والعيش السخن الجميل
بنكهه الشوااااااااااااااااااااااااء
بجد كان نفسى اصوركو الشكل النهائى فالطبق بس بجد الريحه جوعتنى ونستنى اصور بس هوة بالظبط زى الصوره الاخيره
واتمنى اكون وفقت انى نقلتلكو الصوره كامله
واقسم بالله انى ماعيزة غير انكو تبقا شطورين فبيتكو واوصلكو معلومه لوجه الله سبحان الله
لكن مايمنعش تقييم صغنون بس يفرقع المدونة هههههههههههه
استودعكم الله
ياسو
مواضيع هذا القسم برعاية
فهل ياسيدى فرج قريب فهل ياسيدى فرج قريب 65940_1.gif سوبر فتكات Fatakat 65940 حب الله ورسوله – بيتى