السلام عليكم يا فتوكات
كل سنة وانتو طيبين
ربنا يفرح قلوبكم يارب عاجلا غير آجل
اللى منكم قرى موضوع
أنا مش حامل ومش زعلانة انتى كمان اتفاءلى ـــ للمتزوجات الجدد بالذات
دا أول موضوع ليا معاكم فى المدونة
وبتاريخ أول يوم فى آخر دورة جاتلى الحمد لله
862015
أنا بفضل الله حاااااااااااامل
ربنا يارب يرزقكم جميعا الفرحة دى وميحرمش مسلمة منها أبدا
وعايزة أقولكم أنا معملتش حاجة جديدة
بل بالعكس الدكتورة أحبطتنى فى متابعة التبويض وقالتلى بالحرف
أوحش من أى شهر جتيلى
وكمان قبل البريود بأسبوع
كان عندى حرقان جامد جدا قالتلى عندك التهابات كتير جدا
ودا أفقدنى الأمل فى الأسباب تماما
وكان التجائى الوحيد الذى لا يخيب أبدا
رب الأسباب وكنت دايما أدعى يارب يااااااارب عشمانة فى كرمك وطمعانة فى رحمتك
ياااااارب تجعل فرحتى برمضان فرحتين
الجديد إنى الحمد لله لزمت الاستغفار والصلاة على النبى صلى الله عليه وسلم
وكنت بدخل كل شوية أدعى للمشتاقات للذرية وأنا على يقين إن هيتردلى الدعاء دا قريب
والله ربنا كرييييييم حبوا الخير لبعض وادعى ربنا لأخواتك يكرمهم ويرزقهم وهتكونى أول المكرَمين
أهم حاجة مفيش حاجة اسمها أعراض حمل
كددددددددبة والله واشتغالة استغفرى يا حبيبتى بدل ما كل شوية تدخلى تسألى
ولا الهوا العرض الوحيد يوم البريود مغص خفيف زى بتاعها بيروح ويجى
وقبلها ولا أى حاجة خاااااالص
اهدى خالص وتوكلى على الله
أغلبكم عارف إنى مريضة بالسكر
بالله عليكم ادعووووووولى كتير ربنا يطمنى عالبيبى ويجعلها ذرية صالحة سليمة سوية معافاة مبرئة من كل عيب فى الخَلق والخُلق ويثبت حملى ويظبطلى سكرى بحوله وقوته وأطمن بالسونار بقا
وياااااارب يا حيى يا قيوم يا ذا الجلال والاكرام
يبقى العيد فرحة كبييييييرة لا تصدق على كل واحدة فيكم
ربنا يارب يقر أعينكم ويفرح قلوبكم عاجلا غير آجل
ومتنسونيش من دعواتكم
Dr.Pain Dr.Pain 945330_1.gif فتكات نشيطة Fatakat 945330 قـ♥ـلب ح ــبيبي – Egypt