لو كنتي عروسة وجسمك مليان شوية .. مفيش مشكلة النهردة جبتلك بعض النصائح عشان تلبسي اللي يناسبك في ليلة العمر وتكوني متألقة وجميلة
# لوكنتي هتفصلي الفستان فيمكنك اختيار اي تصميم يناسبك وتطلبي من الخياط انه ينفذهولك
# ابحثي عن المحلات اللي بتقدم مقاسات 14 لفساتين الزفاف واتصلي بالتليفون الأول للتأكد من وجود طلبك
# ممكن تركبي اجزاء الفستان بالدبابيس على جسمك قبل التعديل عشان تاخدي فكرة عن شكله
# البسي الملابس الداخلية اللي هتلبسيها يوم الفرح وانتي بتقيسي الفستان ولو هتلبسي كورسيه او حمالة صدر من نوع خاص برضه البسيها وانتي رايحة تقيسي الفستان
@ ابعدي قدر المستطاع عن الرقبة على شكل حرف v
@ ابعدي عن الوسط الساقط اللي بيكون حول البطن والأجناب واختاري الوسط العالي اللي بيكون تحت الصدر مباشرة
@ اختاري قصة الفستان اللي بتكون جاية على بعضها من عند الوسط ده بيدي شكل نحيف زي الصورة دي
@ ابعدي عن الفساتين المنفوشة جدا وابعدي عن الجيبونة السلك .. اختاري الفستان الصك او اللي نازل ضيق او اللي نازل على واسع بشكل بسيط
@ اختاري الفستان البسيط اللي شغله خفيف وابعدي عن الفساتين اللي مليانة استراس كتير
@ ابعدي عن القماش اللي بيدي سماكة زي التل وكمان الكرانيش الكتير .. اختاري الساتان او الحرير
@ مفيش مانع من ان فستانك يكون بديل طويل يعني نازل مسحوب على تحت ده بيدي جسمك رفع وطول
@ واخيرا اختاري الفستان اللي مشغول كتير من منطقة الصدر عشان يشد الإنتباه ناحية المنطقة العلوية ويبعد الإنتباه عن الخصر
سيدة في غربة سيدة في غربة 1103091_5.gif فتكات ست الكل Fatakat 1103091 الشارقة – الامارات