ازيكم يا احلى فتوكات
يارب تكونوا كلكم بخير وصحه وسعاده
ده تانى موضوع ليا فى القسم ده ومره تانيه مكرونه ههههههههههههه اصلى مدمنه الموضوع اللى فات كانت صينيه مكرونه بالباشاااااااا ميل وده الرابط بتاعها
https://fatakat.univanet.com/#477795
النهارده باه عملت نجرسكوا يجنن واليكم الطريقه بالوصف التفصيلىىىىىىىىى
المقادير
كيس مكرونه
نص كيلو صدور فراخ
لبن
مكعب مرق
4معالق دقيق
4 معالق سمنه
ملح فلفل رشه سماق
زيتون مقطع
فلفل اخضر مقطع رفيع اوى
بصله مبشوره ناعم اوى
الطريقه
نغسل الصدور كويس اوى بالملح والليمون
نصفيهم من الميه كويس ونقطعهم مكعبات او شرايح او بايدك لانها بتبقى طريه يعنى زى ما تحبى
تسخنى الطاسه على النار وتحطى فيها معلقتين زبده او سمنه وتحطى الفراخ تصدميها يعنى عشان تحتفظ بالميه او العصاره اللى جواها ومش تبقى مفروله او تشد فى الاكل وتقلبى وترشى عليها الملح والفلفل اللى انتى يا فتوكه لسه طحناه طازه (بيفرق فى الطعم جدااااااااا)
كمان نضيف رشه السماق دى كمان بتدى طعم حكايه
اخر شىء نضيف البصله المفرومه ناعم اوى ونقلب كده اربع دقايق وخلالالاص
نيجى للباشاميل
المره دى الباشاميل هنخليه سايب شويه مش زى الباشاميل اللى بنعمله للمكرونه اللى بتتحشى لحمه يعنى
هنحط عادى السمنه مع الدقيق واول ما يتحمرو خفيف مش اوى نضيف اللبن وتكون كميه ازيد شويه من اللى مقدارنا العادى ونضيف له مكعب المرق ورشه فلفل وملح
كل فتوكه تراعى ان الزيتون مالح خلى بالكم من الملح اللى هتضيفوه
وكده بيكون جاهز
نقطع الفلفل والزيتون صغير اوى
نسلق طبعا المكرونه هههههههه من غير ما نحط زيت فى ميه السلق وكمان مش نغسلها بميه بارده بعد السلق عشان متفكش بعد ما نعملها
فى الصينيه نحط نص المكرونه وفوقها على طول الفراخ والزيتون والفلفل
بعدين نضيف عليها شويه باشاميل محترمين
بعد كده نص المكرونه التانى والباقى على الوش
على الفرن بسرعه حراره 200 لغايه ما الوش يتحمر
والف هنا يا حلوين
يلا اسيبكم مع الصوررررررر
دى صوره الفراخ بعد ما تبلتها وسويتها
ده بعد ما حطيت نص المكرونه مع الفراخ والزيتون والفلفل
ده بعد ما ضفت الباشاميل
ده نص المكرونه التانى
ودى بعد ما خرجت من الفرن
اتمنى تنال اعجباكم واللى تشوف انه استاهل التقييم تقيممممممممممم طبعااااااااا بسرعه
مستنياكم والى ان القاكم بوصفه جديده
دمتم فى حفظ الله مواضيع هذا القسم برعاية
ام لؤلؤ وميوره ام لؤلؤ وميوره 215892_3.gif فتكات ست الكل Fatakat 215892 مملكتى الخاصه – الدنيا الواسعه