السلام عليكم
انا انهاردة عملت مندي فراخ والحمدلله طلع تحفة موت
المقادير
فرخة متقسمة اربع
ارز بسمتي ابيض
التتبيلة
فلفل رومي او حار حسب الرغبة
فلفل ايود
ملح
كاري
طماطماية متقشرة
ماء بصل
بودرة توم
كركم
الطريقة
تضرب المقادير في الخلاط ناعم وتتبل بيها الفراخ وتترك جانبا
نجيب حلة ونحط فيها
بصل
طماطم
فلفل رومي وممكن حار كمان
ودول تقطعهم صغير
والاعشاب روزماري – ورق لاورا – ريحان – قرفة – قرنفل
حبهان ومستكة
ملح وفلفل اسود
كركم
ونحط عليهم مية مغلية مقدار الرز البسمتي (انا بعمل كل كوب رز عليه كوب وربع مية )
وتغلي غلوة ونسقط الرز وخليه يغلي وتنشف ميته شوية
وبعدين نجيب مصفا تركب على الحلة ونحط عليها الفرخة المتبلة ومعاها بطاطس وفلفل رومي وممكن
جزر ترنشات
ونغطي المصفا مع الحلة من اولها لاخرها علشان الفراخ تنزل ميتها على الرز من المصفا
(على فكرة الطريقة دي ممكن تتعمل في حلة البخار الجاهزة بتكون الحلة بمصفتها واللي معندهاش
الحلة الكاملة ولا مصفا مناسبة تغطي الرز بورق فويل وتخرميه وتحطي عليه الفراخ والخضار ونغطي
تاني بالفويل من فوق لتحت )
وندخلها الفرن ساعة
وبعدين نخرجها ونفتح عليها ونكون مجهزين مية منقوع فيها زعفران ونصفيها ونرشها على الرز
عشان يتلون شوية وكمان مية منقوع فيها كركم ونرشها برضه بعد مانصفيها
وندخلها تاني تحت الشواية نص ساعة
ولما تستوي نخرجها ونرص الفراخ والخضار على الرز ونحط فنجان فيه فحمة مولعة وعليها معلقة
سمنة ونقفل الحلة عشان تاخد ريحة الفحم
وبعدين نرصها في طبق التقديم
اتفضلوا
بالف هنا وشفا
يارب تعجبكم مواضيع هذا القسم برعاية
ام البنات الصالحات ام البنات الصالحات 3550_4.gif فتكات رائعة Fatakat 3550 ارض الله – رحاب الله
سبحان الله و بحمده