السلام عليكم ورحمة الله وبركاته
:
بسم الله ماشاء الله ولا حول ولا قوة الا بالله
ــــــــــــــــــــــــــــــــــــــــــــــــــ ــــــــ
أخباركم يا فتوكات واخبار الطبخ معاكم ايه هههههههههههه
هدخل في الموضوع علطول
الطبق ده كنت عاملاه هديه لجوزي وده طبعا لأنه نفسي اغير عشان انا بطبخ غالبا الأكل المعتاد اللي الناس كلها بتعمله
وانا دايما اوعد اوعد لحد ما بقي شكلي وحش اوي ههههههه فقررت اوفي بوعدي واخلص (هعد عليه سنتين يعني ههههههههه)
عملت ايه بقا ومعلش الصور مش مفصلة اوي بس هقولكم
جبت نص الفرخه اللي فوق و نضفته وشلت الضوافر من الأجنحه وغسلت الفرخة كويس بالملح والفلفل وسبتها في شوية مية ونقطتين خل
بعد شوية بقا اخدتها وتبلتها بالآتي
بصلة ومعاها كم فص توم وطماطمية صغيرة مخلية من القشر وكسبرة ناشفة وفلفل احمر وزنجبيل وعصير ليمون وحبة ومسطرده وزبادي ومكعب مرقة دجاج وبابريكا وبهارات انا حطيت كل اللي عندي في المطبخ ههههههههه ونحط شوية ملح بسيط عشان المرقة معانا
وكلهم كده سوا حطتهم في الكبة وفرمتهم ناااااااعم جدا ودوقت الخلطة كده بس عشان اعرف اخبار الملح ايه وروحت مغرقة الفرخة فيها فتحت صدر الفرخة كده وغرقتها من فوقها لتحتها ومن جوه وبرا
وسبتها يوم كامل حطتها في التلاجه وبقيت اليوم خفت يجرالها حاجة فحطتها في الفريزر
ودي الصورة وانا متبلاها
بعد كده لفتها في ورق فويل وغطتها بيه كويس وحطتها في الفرن وعليت عليها الفرن وسبتها وجيت بقا ع الرز (طويل الحبة اللي هو بسمتي ده)
انتي هتاخدي مقدارك من الرز وتغسليه كويس وتنقعيه
بعدها سحنت الحلة وحطيت فيها عيدان قرفة وحبهان وورق لورا وقرنفل وكركم وفلفل احمر وقلبتهم شوية لحد ما ريحتهم طلعت روحت حطيت شوية زيت وحطيت فيها بصلة مقطعه اربعة وطماطمية مقطعة اربعة ومبشور زنجبيل ومبشور قرفة تاني ومكعب مرقة دجاج وقلبتهم سوا في الزيت
بعدين جبت المية المغليه وصبتها فوق الخلطة دي
وقعدت تغلي وبقا لونها اصفر وريحتها جنان
وكان الرز بتاعي اتنقع كويس انا سبته بس نص ساعة
وروحت حطيته فيها وما صفتهاش عشان يتشرب الطعم اكتر وكده كده اغلب الحاجة اللي حطتها ثمر فتقدري تشوفيها وتشيليها وانتي بتغرفي
سبته يغلي واول ما بدأت المية تخف وطيت عليه (احنا في الرز العادي لما بينشف بنوطي لكن ده عشان بيتحرق بسرعة فقبل ما ينشف بحاجة بسيطة توطي النار)
وما صورتش غير وهوا خلاص في النهاية وادي الصورة
ودي صورة الطبق في النهاية والفرخة لما طلعت من الفرن وع فكرة انا كشفت الفويل من ع وشها عشان الوش يتحمر اكتر
دعواتكم لي بالهداية وما تنسوش التقييم
بحبكم في الله مواضيع هذا القسم برعاية
يحلوا الوصال يحلوا الوصال 686824_2.gif فتكات هايلة Fatakat 686824 مدينة العجائب – مصر