السلام عليكم يا فتوكات
انهارده هنعمل لحمه فلييه بالبيبر صوص
الى هو صوص الفلفل الاسود
طبق شهى ولذيذ وسهل اووى
كمان من الاطباق الشيك الى بتتقدم غاليه جدا
بس عاوزة اوضح حاجه طبقنا انهارده هيحبه اووى الى بيحب الاكل السبايسى
شويه والى مش بيحبه يقلل كميه الفلفل شويه
كمان الى عنده اطفال يراعى ده لانه ممكن يكون حراق شويتين للاطفال
غير كده ده طبق جنان
ممكن عشاء لذيذ رومانسى ليكى ولجوزك
او غداء شيك
زى ما تحبوا
المقادير
نص كيلو لحمه فلييه او ممكن لحمه شرائح
ملح وفلفل اسود لتتبيل اللحمه
نص كوب فلفل اسود مجروش مش مطحون يكون خشن
كوب كريمه لبانى او قشطه
بصلايه مقطعه مكعبات
زيت او زبده
معلقتين دمى جلاس باودر هندوبهم فى نص كوب مايه
الطريقه
هنتبل اللحمه بالملح والفلفل بس فلفل لابسيط من الجانبيين
هنسخن الطاسه جدا مع الزيت عالنار
واما تسخن ننزل بالحمه عشان نقفل مسمها كويس هتلاقوها عملت تششششششششششششش
ههههههههههههه يبقى تمام
ونقلبها على الجههه التانيه انا تحمر كويس من الجهه الاولى
ونشيلها وفى نفس الطاسه نضيف البصل
وده الفلفل مجروش خشن
ونضيف الفلفل
وبعدين نضيف اللحمه والدمى الجلاس المدوب مع المايه
واما اللحمه تستوى نضيف القشطه او الكريمه
يدوبك تغلى غلوة واحده بس تكون جهزت
وده شكلها االنهائى
قدمتها مع مكرونه بنى وبطاطس
وممكن تقدم مع رز ابيض
او بطاطس بيورييه
بجد تجنن لازم تجربوها
اللحمه من قريب
والمكرونه كمان مش حرماكم من حاجه اهه
استنونى مع الفطير المقلى
قيمونى عقبال ما اخلص
بحبكم اووى
مواضيع هذا القسم برعاية
شروق الشمس 2024 شروق الشمس 2024 282785_28.gif ربنا يشفيكى يا أمى Fatakat 282785 مع جوزى – فى بيتى