انا هبتدى عطول انا متجوزة من 8 شهور ونص ولسه ربنا مكرمنيش بحمل ورحت كشفت عند دكتورة وعملت كل التحاليل والحمد لله قالتلى كل حاجه تمام ومظبوطه والتبويض تمام ومش محتاجه اخد اى حاجه خالص وجوزى كمان حلل والحركة عنده كويسه والعدد كمان بس قالت انه المينيميم يعنى مش قليل بس بالظبط وهوكمان بيشرب سجاير فهى كتبتله على فيتامينات كارنفيتا فورت وسيلينيوم وبقاله شهر كده بس بياخدها وانهاردا جتلى البريود اللهم لا اعتراض بس انا بجد عايزاكوا تساعدونى انا تعبانه اوى ومضايقه وبيجيلى افكار كتير وحشه انى ممكن مخلفش لاقدر الله وانا عارفه ان كل شىء نصيب ورزق وربنا بيبعت فى الوقت المناسب بس انا مش صغيرة انا كنت متجوزة وانا عندى 26 ودلوقتى انا 27 فقلقانه جدا ومش ببطل تفكير رغم انى بشتغل الحمد لله وعندى اصحابى وانا وجوزى بنخرج بس برضه الموضوع مش عايز يطلع من دماغى كل شهر معاد البريود ده بيبقى ازمه بالنسبة لى طب هتيجى؟ طب مش هتيجى؟ واشوف الاعراض وانا اللى اعرفه انى المفروض اشيل الموضوع من دماغى لانى مقتنعه بكده بس مش عارفه فعلا اعمل ايه وجوزى كتير بيقولى ده رزق واحنا ماديا علينا التزامات واقساط وبيسدد فلوس علينا عشان احنا اتجوزنا بعد فتره خطوبه صغيرة 5 شهور بس فالدنيا والفلوس الى علينا هتتسدد معظمها باذن الله على اخر السنه فبيقولى ممكن يكون ربنا مأخر موضوع الخلفه لما الدنيا تتظبط بس انا دلوقتى طالبه منكم 3 طلبات
اول حاجاه امانه عليكوا تدعولى ربنا يرزقنى بالذرية الصالحه السليمة المعافاة عاجلا غير اجلا يارب
تانى حاجه ممكن تقولولى اعمل ايه عشان اشيل الموضوع من دماغى خالص انا بجد تعبانه اوى وقررت انى خلاص مش هدخل على النت تانى ولا هشوف اى اعراض بس انا لما بيقرب ميعادها قبلها ب 3 ايام مثلا بحس انى بتتجنن بجد
تالت حاجه ممكن تقولولى اللى حاله جوزها كانت زى جوزى هى الفيتامينات دى بتاخدقد ايه وقت مثلا عشان يحصل حمل باذن الله طبعا هى الدكتورة قالتلى ياخدها 3 شهور ويعمل تحليل تانى ونشوف وكمان هو يومين او تلاته كده بس مش ورا بعض كان بينسى هو ده عادى ولا مينفعش خالص يبطلها يوم؟؟
ادعولى بالله عليكم ربنا يرزقنى انا وكل مشتاقة نفسى احس بفرحة الحامل وفرحه الاحساس بانى بقيت ام
likeangels likeangels فتكات متميزة Fatakat 768282 cairo – مصر