بسم الله الرحمن الرحيم
اذيكم يااجمل فتوكات فى الدنيا انا من زمان نفسى اتكلم معاكم لانى بحبكم جدا واستفدت منكم حاجات كتيييييير فقلت النهاردة لازم افيدكم بحاحة ولو بسيطة اناهبطل كلام كتير وهادخل فى الاكلة علطوووووووووووووووووووووووووول بصوا بقى يافتوكات ندخل علطول على المقادير
كيس مكرونة اسباجتى
4حبات باذنجان رومى
4قرون فلفل بارد
1/4كيلو لحمة مفرومة
بصلة -وطماطم -ملح-فلفل اسود -زيت
نيجى بقى للطريقة ياحلوين
اول حاجة هنسلق المكرونة وده بتحطى شوية ميه على النار وتحطى عليهم شوية زيت وملح واماوتغلى تسقطى المكرونة وتفضلى تقلبى لغاية ماتستوى وبعدين تحطيها فى المصفى وتغسليها بالمية العادية وتحطيها على جنب
وبعدين تجيبى حلة وتحطى فيها شوية زيت لغاية مايسخن وبعدين تحطى المكرونة وتقلبيها كويس وتطفى النار وكدة المكرونة خلصت
نقطع البازنجان والفلفل مكعبات وننقعه فى ميه وملح نص ساعة وبعدين نحمره فى الزيت لغاية مالونه يبقى بنى فاتح وبعدين نشيله ونحطه على طبق ونسيبه شوية لحد مايصفى الزيت بتاعه وبعدين نعصج اللحمة نحط البصل يتحمر ونحط عليه الطماطم المضروبة فى الخلاط ونحط عليه اللحمة لحدماتنشف وتستوى وتكون الطماطم كتيرة شوية عن العادى وبعدين نحط عليها البازنجان والفلفل ونقلبهم كويس ونحط الملح والفلفل الاسود وشويةميه صغيرين ونسيبهم على النار 5دقائق وبعد كده نجيب المكرونة ونحطها فى طبق وفوقها خليط البازنجان ونبشر جبنة رومى ونحطها على الوش وبالهنا والشفا ويارب تعجبكم وىاريت التقييم علشان اعرف انا شطورة ولا لا وتصبحوا على خير ياحبايب قلبى 
مواضيع هذا القسم برعاية
كوكا ويويو واسو كوكا ويويو واسو فتكات حبوبة Fatakat 937627 المنصورة – مصر
سبحان الله و بحمده