صباح الفل عليكوا يا بنات يا احلي بنات في الدنيا
يا احباب رسول الله صلى الله عليه وسلم
ان حمية اللقيمات لا تنجح بوضع جداول ومواعيد ..
وانما تنجح بدخولكم الى دائرة اتباع هدى رسول الله صلى الله عليه وآله وسلم
قال تعالى : قل إن كنتم تحبون الله فاتبعوني يحببكم الله ويغفر لكم ذنوبكم [ آل عمران : 31 ]
يارب كلنا الأول نحقق اللي نفسنا فيه ونوصل للوزن المثالي قولوا آمين
اكيد كلنا استفدنا من المنتدي الجميل ده وبما ان ما فيش حد بيبخل بأي معلومة وبيفيد الناس ربنا ينفعه بيها يارب
عاوزين نعمل مفهوم جديد للرجيم احنا قرينا كتيرهنا عن معلومات ورجيمات والسعرات ورجيم اللقيمات والأكل المفيد والصحي والحارق للدهون والمشروبات الي بتساعد علي التخسيس
بس انا من كتر ما قريت بقي عندي لخبطو وحاسة اني عاوزة اعمل كل حاجة مع بعض
عشان كده عاوزين ننظم معلومانتا الأول وننظم حياتنا خلاص احنا فهمنا كل حاجة نبجي بقي للتشجيع والتنظيم
يعني مثلاً قرينا علي الريق ان الجريب فروت بيخسس والقرفة والجنزبيل وزيت الزيتون وماء وليمون ولبن خالي الدسم وحاجات تانية كتير السوال بقي
هاخد كل حاجة علي الريق ولا اخد كل حاجة لمدة اسبوع ولا لمدة شهر ولا اجرب اللي نفع معايا ماشي واللي ماجبس نتيجة خلاص
تاني حاجة رجيم اللقيمات هو ده الرجيم اللي انا اقتنعت بيه جدا بعد معاناه من الرجيم السوال بقي
ينفع اخد اي رجيم من عند دكتور واخليه لقيمات يعني اقسم الفطار علي مرتين يعني كل 3 ساعات والغذا والعشاء
ثالث حاجة رجيم فصايل الدم هل مع ده كله اركز في الأكل المفيد لفصيلة دمي وامتر منه
رابع حاجة الرياضة ايه احسن وقت ليها قريت ان الافضل قبل الاكل علي معدة فارغة ولا بعد الاكل بساعتين وقريت كمان ان كل عضلة تلعبي عليها يوم ويوم لا
رابع حاجة موضوع زيت الزيتون بتاع عيوشه هجربة ان شاء الله بس عاوزين نسال الناس اللي خست عليه فعلا اشترته منين عشان مانستعملش حاجة مش بتخسسس
وحاجات تانية كتير ملخبطانا في الرجيم ومخليانا متشتتين من كتر ما بنقرا ونتشجع بنحس اننا عاوزين نعمل كل حاجة ( يعني انا من كتر ما قريت عن زيت الزيتزن بقين عاوزة انزل اجيب ازازة واشربها كلها هههههه)
المهم يا بنات طولت عليكوا
عاوزيين تشجيع من بعض ونعمل موسوعة طبية تفيد جسمنا وتخسسنا يارب الاقي حد يساعدني ويشجعني
وكلمة اخيرة:
.قال تعالى ( وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ }
شيريهان عبد العظيم شيريهان عبد العظيم فتكات نشيطة Fatakat 646440 القاهرة – مصر