ازيكو يا فتوكالت انا النهاردة جيبالكم وصفة جميلة اوي جربوها ومش هتندمو هي عبارة عن معجنات محشية الي انت عيزاه بقى (لحمة مفرومة _ جبنة رومي _جبنة بيضة) …….. الي انتي عيزاه المهم انا جبت الصورة النهائية ولو عجبتكم الصور قلولي في التعليقات وانا انزل الطريقة بالصور اسيبكم مع االصور :
لو عجبتكم الصور او االوصفة اكتبي التعليقات وانا انزل طر يقة التحضير بالصور …….. ومتنسوش التقييم على فكرة العجينة ليها كذا طريقة وكلهم احلى من بعض لكن من باب التغيير انا عملتها بطريقة عجينة الزبادى وهى بتطلع تحفة وممكن نعملها بطريقة عجينة البيتزا كمان ….. بس دي طريقة الزبادي
المقادير:
3ونص كوب دقيق بس لازم دقيق مخبوزات والنصيحة دى بعد تجربة عمييقة
2معلقة كبيرة لبن بودرة 2معلقة كبيرة سكر معلقة كبيرة خميرة بيرة معلقة صغيرة بيكنج بودر معلقة كبيرة زبدة ممكن لو معندكيش خليها زيت
معلقة كبيرة زيت
تعجن بالزبادى الى ان تتكون العجينة اللينة
مقادير الحشو :
الحشو حسب الرغبة ممكن (لحمة مفرومة معصجة مع مراعاة تقليل السوائل فى الحشوة ، ممكن جبنة مثلثات مع فلفل اخضر مقطع وزيتون ، ممكن جمبري يشوح على نار عالية جدا بنقطة زيت ثم نضيف بهارات وفلفل وبصل وطماطم بس الطماطم مش كتير عشان السوائل ، ممكن جبنة رومي وفلفل و زيتون وزعتر طريقة التحضير (الخطوات): ندعك الخميرة بالسكر حتى تسيل و تخلط المكونات الجافة ثم نضيف الزبادي الى ان تتكون العجينة
نعجنها لمدة 10 دقائق على الرخامة ثم تترك لتخمر لمدة ساعة وهي مغطاه في مكان دافئ تقطع دوائر في حجم البيضة الكبيرة وتفرد على شكل بيضاوي كبير ثم نقطع طرف العجينة علي شكل اصابع او شرائح وليكن اربع شرائح ويوضع الحشو على الطرف الاخر من العجينة الغير مقطع وتلف على شكل اسطوانى كما مبين بالشكل ونلف شرائح العجينة على الشكل المحشو بعيدة عن بعضها قليلا كما بالشكل تترك لتخمر وهي مغطاة فى مكان دافئ لمدة نصف ساعة او ساعة
نسخن الفرن على اعلى درجة حتى يكون حار
ندهن الوجه بصفار البيض المخفف بقليل من اللبن مع مراعاة دهن الشرائح فقط والتركيز عليها
نرش الوجه بالسمسم وتخبز من عشرين الى تلاتين دقيقة انا بحب احمر الوجه فى الشواية وبالهنا والعافية واللي يجربها هيدعيلي
مواضيع هذا القسم برعاية
mrmr_fofo mrmr_fofo images/avatars/peppers.jpg فتكات حبوبة Fatakat 589039 دمياط – دمياط