السلام عليكم و رحمة الله و بركاته
بصوا يا فتوكات انا اتأخرت فى الحمل 4 سنين لحد ما ربنا كرمنى بالحمل
و كنت حساسه اوى لاى كلام و كتير كنت بقول ان الناس خايفة منى
لاحسد اولادها لكن بعد ما خلفت لقتنى بقول للى مخلفوش
زى ما كان بيتقالى عرفت انى كتير كنت بفهم غلط و ان فيه ناس
بتتكلم كده علشان تهون عليا الى كنت فيه و كنت بفهم غلط و
افتكر انهم خايفين من الحسد لكن طبيعى اى حد فى ظروفى هيبقه
حساس اوى اوى للموضوع ده
حاسين بكل سبوع طفل احضره و الناس تقولى عقبالك و حاسين
بكل عيد ام و اناشايفة امهات من سنى و اصغر وسط ولادهم
و حاسين بكل مناسبة احضرها او فرح و الناس تقولى ربنا يعوض
عليكى و كلام و تلميحات من حماتى او اخت جوزى و كل ده انا حاسه بيه و بيجرحنى اوى اوى
انا يا حبايب قلبى بدأت مشوار العلاج بدرى اوى لانى كان طول
عمرى عندى مشاكل بالبريود حتر روحت للدكتورة من اول اسبوع
جواز و يمكن القلق كان عامل سلبى عليا المهم اتنقلت
من دكتور لدكتور و كل دكتور بمعاناته و مصاريفه و حقن و ادوية
عملت كل العمليات الى بتتعمل من تثقيب مبايض للكشف بالصبغة
على قنوات فالوب للمنظار الاستكشافى عملته 4 مرات تقريبا و الاقى
مفيش نتيجة و مش عارفة اوصفلكوا العذاب و المصاريف الى
دفعتها و الانتظار كل شهر و كل دكتور يقولك الشهر ده هتحملى
و كام رحله كنت رايحاها و لغيتها علشان الدكتور قالى ليحصل
حمل لازم تقعدى اتعذبت كتير والله لحد ما يوم كنت منهارة و البريود نزلت
و اتصلت بالدكتور الله يسامحه الى كنت بتعالج معاه و الى اخر علاج
عنده عملى تنشيط اكتر من اللازم خلانى جالى استسقاء و كنت
هموت لان الميه طلعت للرئه لولا لحقنى بمحاليل و كانت غاليه جدا جدا
خلانا نشتريها غير انه كان بيصمم نشترى الادوية من عنده اغلى من بره المهم كلمته و قولتله ان البريود نزلت فرد بكل برود تعاليلى تانى يوم نبدا علاج جديد
المهم قولت هروحله و على فكره هوه عملى عمليه تثقيب مبايض
علشان كده مكنتش عايزة اغيره المهم بفتح الجرنال اليوم ده لقيت اعلان عن كتاب لتأخر الحمل معرفش ليه قولت لجوزى يجبهولى و صممت و لما قريت الكتاب
اكتشفت ان فيه حاجات كتير الدكاترة الى كنت بروحلهم تجاهلوها
و بصراحة عجبنى كلام الدكتور الى مألف الكتاب و قررت اروحله و بالفعل روحتله
بصراحة اول مقابله ارتحتله و اكتشفت انه منظم جدا و متدين جدا جدا و مش بيدى اى علاج الا لما يظبط كل الهرمونات علشان العلاج و المنشطات تجيب نتيجة و عنده
حلول و بروتوكلات مشفتهاش عند الدكاترة الكتير الى روحتلهم
ربنا يكرمه المهم بعد علاج استمر لمدة 5 شهور تقريبا مرضيش
يدينى فيهم اى منشطات لكن كان بيدينى دواء لتنظيم هرمونات
الجسم برشام رخيص جدا قالى بعد 5 شهور انتى جسمك كان عنيد جدا
لكن الحمد لله استجاب و دلوقت نقدر نبدا المنشطات و الحمل
ان شاء الله هيكون فى خلال شهرين
و بالفعل كان الحمل بعد شهر واحد فقط و ربنا كرمنى بمحمد ماشاء الله عليه مالى عليا الدنيا
و طبعا انا بعتله اصحابى بعد كده و الى منهم واحده كانت بتتعالج فى فرنسا
لكن برضه العلاج فشل و النتيجة بعد ما راحت للدكتور الى بقولوكوا عليه
حملت و كمان باقى اصحابى
ما شاء الله كلهم كلهم حملوا و خلفوا دلوقت
حبايبى انا طولت عليكوا معلش بس حبيت احكيلكوا قصتى
و علشان الكل يستفيد و دلوقت انا هكتبلكوا عنوان الدكتور و اسمه
و السايت بتاعه استخيروا للى اتاخروا فى الحمل و اتكلوا على الله
يمكن ان شاء الله يكون سبب للعلاج و الحمل باذن الله تعالى
انا على فكره اى واحد بعرف انها نفسها تخلف بديها نمرته علشان
ده انا بعتبره شكر لربنا على نعمته الى انعم عليه بيها و تفريج كربه على اخت ليا فى الاسلام
قبل ما اكتبلك البيانات اوصيكوا باشياء كان ليها فضل كبير عليا
1- الاستغفار 1000 مرة باليوم
2- الدعاء فى كل وقت و كل صلاة و اوقات الاجابة و السجود
3- كفالة يتيم و لو ب 10 جنيه فى الشهر
بارك الله فيكوا جميعا و ربنا يرزقك كل محرومة و يقر عينها بتوءام ان شاء الله ولد و بنت حلوين زيكوا يا فتوكات و اوعوا تقنطوا من رحمة ربنا فرجه قريب و رحمته واسعة وسعت كل شئ و مفيش احن و اعظم منه والله
البيانات و معلش طولت عليكوا الى تعوذ النمرة تكلمنى على الخاص علشان الارقام ممنوعة على العام
اسم الدكتور – حسام زكى
اسم المركز – جنين لعلاج تأخر الحمل
العنوان – برج سلام المعادى بجوار مستشفى السلام الدولى كورنيش النيل المعادى
السايت بتاع الدكتور فيه كل حاجة عن المركز
https://www.ganin.com
مسلمة227 مسلمة227 178557_2.gif فتكات غالية قوي Fatakat 178557 القاهرة – مصر