اللهم صلى وسلم وزد وبارك على سيدنا محمد وعلى اله وصحبه وسلم
زى ماوعدتكم حبيباتى فى موضوع عجن وخبز العيش انى هتكلم عن البيتزا والمعجنات
ودة اللينك بتاعه
https://fatakat.univanet.com/#3649622
عشان تعملى بيتزا ومعجنات اى كانت عيش او قرص طرية اوسادة او محشية
اهم حاجة انك تخلى الخميرة تتفاعل بانك تحطى معلقة سكر عليها وتدوبيها وبعدين شوية ماية دافية زى دمعة العين
وتغطى عليها لحد ماتنخلى الدقيق وتعجنى كويس سواء هتستعملى عجينة العشر دقايق
او هتعجنى على طول المهم انك تنحلى الدقيق ومعاه شوية ملح صغيرة وتضيفى اللبن البودرة وتقلبى الدقيق وبعدين
تضيفى السوايل وتبدائى تلمى الدقيق مع السوايل باطراف اصابعك وتدخليهم فى بعض عشان تدخلى هواء فى العجينة
وكانك بتديها بالبوكس عشان الهوا هيتفاعل مع الخميرة ويخليها تخمر وتزيد حجمها المهم العجن كويس لحد ماتلاقى العجينة
مش ملزقة فى ايدك عجينة ملساء وماسكة نفسها يعنى مش تكترى سوايلها وتكون لينة ولا تقللى السوايل فيها تكون
يابسة وجامدة صعبة التشكيل
طبعا هتستعملى دقيق فاخر للبيزا والمعجنات واحنا عرفنا الفرق بين انواع الدقيق
وفى تاكة مهمة جدا عشان تخلى المعجنات لينة انك تعجنى بزبادى او لبن نيدو وممكن الاتنين مع بعض مع اللبن الحليب
والزيت والخميرة ومعلقة السكر وشوية ملح صغيرين
دول مابيفرقونيش فى اى عجينة بعملها سواء للبيتزا او للعيش الطويل او القرص
هما دول ادواتى اللى بعجن بيهم على طول والحمد لله العجينة بتطلع روعة ماشاء الله
نشوف اللى بعمله من العجينة دى نبدا
{بالبيتزا}
على مالعجينة تخمر وتبقى تمام زى الصورة تكونى جهزتى حشو البيتزا والصوص والطماطم المقطعة والفلفل ولو بتحبى
الزيتون بس انا مش باحب احطه الاكل مزاج لانه بيعملى حميان وكمان انواع الجبن اللى بتحبيها سواء شيدر او موزاريلا
اورومى اما بالنسبة للحشو انتى وزقك فى الاكل شاورمة فراخ او لحمة او تونة او سوسيس او لحمة مفرومة
تفردى العجينة وتساويها فى الصنية وتخلى سمكها متوسط لاسميكة ولا رقيق زيادة عن الزوم وتخرميها بالشوكة
وتدهنى وشها بالصوص او الصلصة انا بعملها بمعلقتين صلصة وافكها بمعلقتين ماية شوية فلفل اسود وملح بسيط جد
وترصى حشوك وجبنتك زى ماتحبى بالشكل دة
وخدى بالك ان الجبنة الرومى فقط هى اللى بتتحمل السخونية ولو هتحطى موتزاريلا يبقى بعد الصنية ماتستوى تحطيها على الوش ودقيقة فى الفرن تسيح وتخرج فورا
دة لينك البيتزا للى تحب تعرف الطريقة
https://fatakat.univanet.com/#3398014
نيجى بقى لو حابة تعملى معجنات محشية
زى دى
بنفس طريقة العجين اللى اتكلمنا عنها الفرق حاجة واحدة انك بتدهنى وش المعجنات بيضة مع معلقة لبن قبل دخولها
الفرن على طول عشان ماتشربهاش وتحتفظ باللمعة وبتخلى شكلها رائع زى ماانتم شايفين
اهم حاجة فى سوا المعجنات انك تسخنى الفرن وكيس قبل ماتدخلى معجناتك
والحاجة التانية انك تسيبى معجناتك ترتاح بعد تشكيلها وتغطى عليها عشان تطلع ناجحة وسواها كويس وماتكتمش من
قلبها وكمان حجمها مايكونش تخين ممكن تعمل لبابة
ودة لينك الموضوع
https://fatakat.univanet.com/#2731514
اما بقى لو عايزة تعملى قرص طرية او باجيت او حتى سميط
نفس الكلام فى العجن بس انتى هتزودى سمسم وحبة البركة واللى يحب شمر بيخلى الطعم حكاية فى الدقيق قبل
وتشكلى العجينة زى مانتى عايزة بالنسبة للباجيت بتفردى قطعة عجين وتلفيها رول وترصيها فى صنية وتسبيها تزيد حجمها تانى وتعملى شقوق بالسكينة وتسبيه فترة كويسة لزيادة حجمه وبعدين يدخل فرن سخن ومابياخدتش فى سواه اكتر من 10 دقايق ربع ساعة بالكتير ويكون احمر من فوق ومن تحت زى الصورة كدة
وتعملى قرص تبططى العجينة بعد ماتكوريها ويكون حجمها وسط وترصيها فى صنية وممكن تحشيها زى ماتحبى سواء جبنة او عجوة
https://fatakat.univanet.com/#3055526
دة لينكها للاطلاع على الطريقة
واى سؤال تحت امركم ويارب اكون افادتكم
مواضيع هذا القسم برعاية
نعمة من ربى نعمة من ربى 572666_3.gif Fatakat 572666 كفر الشيخ – مصر