ازيكوا يا حلوات
أنا زيى زيكوا البرد الشديد مأثر على بشرتى وشعرى .. ومع لبخة الشغل والجواز والحمل مفيش وقت آخد بالى اوى منها
فقررت انى أساعد نفسى وأساعدكوا وفى الوقت اللى اكون فاضية فيه .. أدور على مشكلة بسيطة لوحدها وأجرب أحلها
وجتلى فكرة انى أعمل على فتكات سلسلة مواضيع عن مشاكل البشرة فى الشتا وحلولها
المواضيع مش منقولة .. أنا هجمعها من المجلات والمنتديات والمواقع الطبية الموثوق فيها
اللى عايزة تنفذ تنفذ .. واللى عايزة تنقل تنقل .. مفيش مشكلة .. لكن اللى هتستخدم الموضوع ده فى الكسب مثلا انها تعمل خلطات وتبيعا بفلوس ده غش وبلاش منه
نبتدى بأول مشكلة
مشكلة قشرة الحواجب:
ايه السبب فى ظهور قشرة الحواجب:
البشرة الدهنية جدا بيطلع فيها قشرة
البشرة الجافة جدا بيطلع فيها قشرة حتى فى الحواجب
طيب نيجى لحل المشكلة:
فى 3 طرق نستخدمها بالتدريج:
الطريقة الأولى علشان تتخلصى من قشرة الحواجب فى الشتا:
1. وانتى بتغسلى وشك فى الروتين اليومى العادى اعملى لحواجبك سكرب بانك تفركيها بطريقة دائرية لمدة دقيقة
2. اشطفى حواجبك كويس من الغسول اللى استخدمته ونشفيها بفوطة نضيفة وناعمة
3. ممكن بعد كده تستخدى كريم للوجه أو العينين وترطبى بيه حواجبك .. لكن ما تستخدميش كريم البشرة او الايدين لأنه بيبقى دهنى وممكن يوقعلك شعر حواجبك
فى حل تانى
ممكن تستخدمى فرشة ناعمة من اللى بتشتخدم فى تنضيف الوجه وتغسلى بيها حواجبك بالراحة باستخدام شامبو للأطفال
بعد كده تحطى عليها زيت للأطفال ومتنسيش تغسلى الزيت بعد دقايق وتنشفى
لو الحلين دول منفعوش .. ممكن تستخدمى شامبو ضد القشرة بنفس الطريقة اللى بتستخدميه لشعرك بانك تغسلى بنقطة منه حواجبك وتسيبيه 5 دقايق وبعدين تشطفيه بالمياه كويس وتنشفى حواجبك
وده هتلاقيه فى الفيديو ده من برنامج the doctors اللى بيتذاع على قناة 4:
https://on.aol.com/video/discover-wha…ruff-517646176
بس خللى بالك لو الطرق دى منفعتش لازم تستشيرى دكتور جلدية لأن المشكلة ممكن تبقى أكبر من كده وتكون مرض جلدى تانى (اكزيما مثلا ودى حاجة بسيطة بتتعالج بمراهم وبتروح)
مواضيع هذا القسم برعاية
أفعى عصية أفعى عصية 586367_1.gif فتكات نشيطة Fatakat 586367 القاهرة – مصر