ازيكم يا عرايس
وحشتوووووونى اووووى
انا الحمدلله اتجوزت خلاص من شهر بالظبط
وكنت محتااااسة زيكوا برضه فقولت مش معقول بقى اتجوز من هنا واسيب قسم العرايس وادخل على قسم المتزوجات كده على طول منغير مقولكوا خبرتى فتجهيزات الجواز واساعد اى عروسة محتاسة كده زى مانا كنت محتااااسه زيها
بس الاول ادعولى ربنا يرزقنى بالزرية الصالحه يارب معلش طمع بقى ههههههه
الاول بالنسبة للفستان بتاعى
انا كان نفسى فموديل معين كنت بدور عليه
الى هو الموديل دا
وكنت كل مادور عليه الائيه ايجار بالف ونص او الفين عالاقل
كان تحففففة صحيح بس غالى طبعا على ساعتين الفرح وخلاص
فمرة الحمدلله بالصدفه كنت ماشية كان فيه اتليه صغير مش كبير فكانوا عارضين فستان نفس موديل دا واحلى كمان بكتيييييييير الحمدلله
ودخلت سالت على سعر الايجار و فاصلت معاها كتيييييير كمان والحمدلله خدته ايجار "مش اول لبسة بس كان زى الجديييييد بالظبط وسلمتهولى احلى من الجديد كمان بصراحه " كان ايجار ب400 جنيه بس الحمدلله
طبعا كلكوا مستغربين السعر وانا كمان كنت مستغرباه بس الحمدلله الحمدلله انى لائيته هههههه وكان هو هو بالظببببط فاتليه الجمال ليه فرع فالحدايق و فرع فعباس العقاد كان ايجار بالف ونص
انا عايزه اوريكوا صورة فستانى بس للاسف مش مصوراه منغير ماكون لابساهفللاسف قوانين القسم تمنع انى انزل صورة الفستان وانا لابساه بس هو بصراحه كان تحفففففة وعجب كل الناس الحمدلله
واه صحيح نسيت اقولكوا ان الفستان كان معاه بادى مايوه مطرز "كارينا او تل حسب متختارى " انا اختارته تل و لبست تحته كارينا بيضا علشان ميبينش جسمى خالص ومعاه طرحه واخترت ساعتها من اكتر من واحده و معاه بندادنه مطرزة و حلق واخترت يجى من 100 حلق اخترت الحلق الى كان نفسى اجيبه برضه الحمدلله
واستلمت الفستان قبل الفرح بيومين و روحت كانوا منضفينه و مظبطينه ومفهوش فص واقع حتى زى الجديد بالظببببط و وانا هناك كنت كل ماطلب اااى حاجه تتنفذ فلاحظتها بصراحه
والاهم كمان ان الفستان مكنش زى باقى الاتليهات لااااازم يرجع تانى يوم الصببببح بدرى وكده لا قالتلى وقت ما مامتك تيجى تباركلك ااى وقت تبقى تاخدوا وتيجى تدهولى
وودناه يوم الصباحيه بليل عقبال ما ماما جاتلى عالعصرية و مشيت و كده كان بليل و كان بصراحه معاملتهم حلوة اووووووى معانا لدرجة انى اتصلت بعد كده شكرت صاحبة الاتليه عالمعاملة الجميلة الى عاملوهالنا ديه
بالنسبة بقى للاتليه انا مش عارفه العنوان بالظبط بتاعهم لانى بابا هو الى بيودهونى بالعربية بس هو بعد حدائق القبة فشارع مصر والسودان تقريبا كده
بس انا معايا رقم صاحبه الاتليه اسمها مدام فيولا ورقمها ************* طبعا الرقم دا منغير ميتضافله الرقم الزياده الى عملوه جديد دا هههههه بس بيتكلم لسا شغال عادى
وعلى فكرة انا مليش ااااااى صلة بصاحبه الاتليه انا بس كانت تجربتى الحمدلله الحمدلله حلوة وقولت افيد العرايس الى محتاسة الى كنت زيهم ههههه
بالنسبة بقى للكوافير
انا فالخطوبة كانت ليا تجربة سيئة مع الكوافير الى بيحط ميكاب بالكيلو هو بصراحه كان الميكاب حلو بس كان تقييل وانا مش بحب الميكاب التقيل الرقيق بيبقى احلى بكتير
فالمهم برضه كان نفسى اجيب ميكاب ارتست تجيلى البيت ويكون نظام شغلها رقيق فالميكاب ولفة الطرحه وكنت عايزه موديل معين للفة الطرحه تعملهولى
زى مثلا شغل دينا راغب و دينا سالم و نورا و نانيس سليم والناس الجامده ديه هههههه بس طبعااااااا اقل حد فيهم بياخد من اول 1500 ل4000 جنيه مش فاهمه ليه يعنى
وطبعا الميكاب هما برضه ساعتين و هيتغسل يعنى حرام مش بيحطوا دهب على وشنا وفنفس الوقت مش عايزه اروح لكوافير يبوظلى شكلى يوم الفرح
فقعدت الللف فالفيس بوك وادور يجى سنه لحد الحمدلله ما ربنا هدانى فالاخرررررر لائيت جروب فيه شغل ميكاب ولفة الطرحه تحففففة زى مانا عايزه بالظبط
وسالت على الميكاب ولفة الطرحه انها تجيلى البيت قالتلى ب500 بسسسسس
طبعا انا فرحت بس قولت انا مضمنش الصور ديه تكون شغلها فقولتلها انى هروحلها اشوف عروسة خارجه من الكوافير عندها "هى عندها كوافير برضه"
وروحت يوم وشوفتها وهى بتشتغل من الاول و بميكاب ماركات مش اى كلام و مش بتستعمل البودرة المائية اااااهم حاجه و شغلها فنى بجد
وحتى يوم مروحتلها كانت العروسة مناخيرها طويلة شوية فهى عملتلها ميكاب العين تحفففففة و الروج مرضيتش تحطلها جلوس فلما سالتها قالتلى علشان تلفت الانتباه للعين و متلفتش الانتباه للمناخير لما تحط الجلوس عالشفايف هيلفت الانتباه للمنطقة بتاعة المناخير وفعلا ما شاء الله بجد فنانة اووووووى وشغلها عالطبيعه كمان احلى بمليون مرة من الصور
وكنت قلقانه برضه انها يوم الفرح تجيلى متاخر او تطنشنى او كده بس بصراحه جاتلى فمعادها وكانت ملتزمه جداااا وشغلها كان تحففففففة
لدرجة ماما مكنتش مقتنعه اصلا انى اجيب ميكاب ارتست وكانت عايزانى اروح كوافير بعد مخلصت ميكاب ولفة الطرحه كان عاجبها جداااااااا واقتنعت بيه اووووى وكل البنات بعد الفرح سالونى جبت الفستان منين والكوافير كان مين من كتر ما كان عاجبهم الميكاب انه هادى و فنفس الوقت تحفففة مبين جمالى انا مش الى بيتحط بالكيلو بيعمل كل العرايس نفس الشكل
بالنسبة للصور انا برضه مش هينفع احط صورتى علشان قوانين القسم بس دا لينك الميكاب ارتست عالفيس بوك وفيه صور كتير من شغلها وصورتى انا كمان هههههه ولو ادارة القسم سمحوا اننا ننزل الصور هنزل صورتى على طول باذن الله***********]
***********ودا رقم موبيلها علشان لو فيه حد ملوش فالفيس بوك
دايما الميكاب ارتست بيبقوا ملتزمين جداااا وشغلهم رووووعه ومهتمين بشغلهم اووول لما يكونوا لسا مش مشهورين بس بعد ميتشهروا فيه منهم ناس شغلهم بيبوظ بس الحمدلله انا عملتلى الميكاب عرفتها وهى لسا متشهرتش علشان كده شغلها تحففففة و سعرها جميييل اوووى برضه فقولت اقولكوا عليها علشان متحتاسوش حوستى فالكوافير زى مانا كنت محتاسه برضه هههههه وبرضه بقول الميكاب ارتست مليش اى علاقة بيها غير انى عجبنى شغلها اوووى والحمدلله عملت معاها طلع تحففففففففة وقولت افيدكوا بيها
بالنسبة بقى للجيرب و منديل كتب الكتاب واكسسوارات العروسة الاسوره والخاتم الالماظ ولو عايزه بروشات الماظ او كوليه او تاج او وردة العريس او الطرحه او جيبونة او البادى التل سادة او مطرز او او كارينا مطرزاو اااااااى حاجه من اكسسوارات العروسة
ديه طبعا اول حاجه كلنا عارفنها النمرسى الى فالموسكى و فاكرينه انه رخيص و كده
دا طلع مقلب بجد
علشان مشهور برضه عنده كل حاجه غالية روحت عنده اتفرجت و لائيت جيرب "بوكية ورد صناعى" عاجبنى وسالته لائيته ب150 جنيه فسيبته ومشيت شوية لائيت محل مستلزمات عرايس بيبع كللللللللل حاجه بسعر الجملة
نفس بوكيه الورد جبته من عنده ب30 جنيه بسسسسسسس
وجبت اسورة الماظ "طبعا مش الماظ حقيقى هههههه " بس بجد تحفففففففة ب25 جنيه بس وهى عند النمرسى ب60 ل 100 وعند المحل دا كمان عنده اشكال متنوعه كتيييييييييير
و حلقان فيه ب10 جنيه بسسس وتحفة و اغلى حاجه 30 جنيه وكللللل الاشكال وموديلات مكنتش بلائيها غير عالنت بسسسس وعلى مواقع الاجنبية بس لائيتها عنده والله وكلللللل حاجه
هو بس مش عنده بوكيهات الورد الكريستال لكن غير كده عنده كللللللل حاجه
منديل كتب الكتاب ب10 جنيه بسسسس
اسم المحل دا برج باريس
لجميع مستلزمات العرايس
14 ش الموسكى
وتليفونهم **********-**********
طبعا انا نقلتلكم كل الى مكتوب فالكارت بتاع المحل زى ماهو
"اصلى قولت اخد منه كارت علشان اقول لفتوكاتى على الاكتشاف الى اكتشفته فالمحل دا هههههههه"
وطبعا بررررضه صاحب المحل مليش اااااى صلة بيه ولا اعرفه بس قولت اقولكوا على المحل دا بدل ما تدبسه فالنمرسى
علشان محدش يطلع يقولى انى بعمل دعاية لاى حد ولو فيه اى حاجه فالموضوع شايفنها انها دعاية ابقوا امسحوها بس انا قولت افيد العرايس المحتاسات بسسسس
فيه ايه تااااااانى بقى احكيلكم عليه
طبعا مشتملات الفستان
شراب كريستال طويل متجبهوش قصير خااااااالص و الكريستال بيدى شكل تحفففة احلى من العادى بكتير
تحت الفستان برا الناشف دا عند ااااااى محل مستلزمات عرايس بيظبط الفستان اوى بس بيعور من طرفه كده ابقوا حطوا تحت الطرف دا حته قطنة صغيرة ولا حاجه علشان ميعوركوش
انا ملبستش شورت تحت الفستان لانى كان فستانى بجيبونة تل وكان حلو اوووى
لكن لو هتلبسى جيبونه سلك لاااااازم شورت او بنتاكور علشان لو الفستان اترفع ولا حاجه
ااااه الحمام المغربى والسويت
انا كنت عايزه اعملهم فالبيت مش فاى بيوتى سنتر و دورت هنا فالمدونة على واحده تكون بتعمل سويت وحمام مغربى وتجيلى البيت وفنفس الوقت ميكنش سعرها عالى
والحمدلله برضه لائيت بنوته عسولة اووى بجد وشغلها جميييييل وقعدت معايا طووووول اليوم
وعملت السويت و حمام مغربى ب110 جنيه بس انا الى جبت الليفة المغربى كانت عندى لو كانت هى الى جابت الليفة المغربى كان بيزيد حاجه بسيطه
وكان شغلها ماشاءالله جميل
ومكنتش عملت حنه كنت هرسم حنه فكوافير جمبنا فقالتلى انها تعرف بنوته بتعمل حنه واتصلت بيها جابتها
بس للاسف الرسومات كانت حلوة اووووووى بس للاسف اتمسحت بسرعه اوووووى لدرجة انها يوم الفرح بليل لما روحت لائيتها طلعت فالكارينا و مش باينة خاااالص و جوزى مشفتش منهم اااااى حاجه يلا بقى الحمدلله ههههههه
انا برضه مليش ااااى صلة باى حد وبقول كل الى حصل بمنتهى الامانه وبساعد العرايس بيه
فيه بقى حاجه اكتشفتها بعد الجواز حلوة وهى سويت كرستاله جمييييييل اوووى و بيتباع برا انا جبته ب5 جنيه هو معاه كيس صغير مخدر "لسا مستعملتوش بصراحه " بس احلى حاجه فالسويت ديه انى اصلا مبقدرش استحمل الم السويت خااااالص فاى مكان ولا ايدى ولا رجلى ولا حاجه بس ديه عملت بيها جميلة اوووى ومش بتالم غير بسيط هى عيبها بس انها بتبقى ناشفة فالاول انك تقطعى منها حته بس لكن لما تقطعى حته تحففففة بتبقى جميلة اوووى ومبتعقد كتيييييييييير اكتر من السويت العادية بكتير جدااا ومش بتسيح بسهولة زى السويت العاديه
واه صحيح اووووعى تعملى المنطقة الحساسة بمكنات الحلاقة او جيليت الحريمى ولا الكلام دا خاااالص بيطلع بسرعه جدااا تانى يوم على طول وبيطلع ناشف اووى زى دقن الرجالة فعلا بالظبط و المشكلة انه بيطلع بيشوكك انتى كمان
فياريت تستبعدى حل جيليت دا خالص ولو زيى مش بتقدرى تستحملى الم السويت دا نهائى انا عملت يوم الفرح بس بسويت كان ناعم صحيح بس كان مؤلم اووووى و المخدر معملش مفعول اصلا ههههه بس بعد كده الكريم ممشى الحال اهو بس كله الا مكنة الحلاقة فعلا بيطلع بشع الكريم بيطلعوا انعم من المكنه بكتيييير
بالنسبة بقى لشعرى انا مفردوش ولا عملت كرياتين ولا حاجه
انا عملته فالكوافير قبل الفرح بيوم بسيشوار و يوم الفرح البنوته بتاعة الميكاب عدتلى عليه بالبيبى ليس قبل متلفلى الطرحه وبس كده والحمدلله كان جميل
بس انا اصلا شعرى ناعم بس مش سايح يعنى بس اشتريت بيبى ليس بس عادى مش بستعملها كتير يعنى بشعرى طبيعى
يعنى بلاش البنات تتوتر من موضوع شعرها فاول الجواز وانه بيتغسل كتير ولازم يتفرد و كده لا عادى خالص وهو مبلول بيبقى جميل اووووى
وتسرحيه وعادى مش لازم 24 ساعه فاليوم تسيبيه يعنى اعمله تسريحه حلوة وبس
بس اهم نصيحه بقى عايزه اقولهالكوا
متخلكوش متوترين خاااااالص
فكروا فالفستان فالكوافير فالفرح وانسوا اااااى موضوع تانى علشان متتوتروش و خالوا كل حاجه فوقتها
يعنى دلوقتى وقت الفستان افكر فالفستان
دلوقتى وقت الفرح افكر فالفرح
وخالى التوتر بعدين احنا مش غاوين ننكد على نفسنا يعنى ههههههه
و هتلائى كل حاجه جت بسييييطه جدااا الحمدلله
انا معيطتش يوم فرحى زى ما عرايس كتيييييييييييرة عملوا انهم اول ميروحوا البيت ويتقفل عليهم باب واحد تلائيها غرقت الدنيا عياط
ودا لانها بتبقى قاعده طول الفرح متوترة و قلقانه وبتفكر فالى بعد الفرح
بس انا كنت مطنشة خاااااااالص و بفكر فالفرح والفستان و انى الحمدلله اخييييرا اتجوزت حبيبى وخلاص
ملناش دعوة بقى بالى بعد كده ههههههه والحمدلله كان فيه بعد كده شوية توتر وشوية قلق و شوية كسوف بس كله عدى بامر الله
ومتنسوش تصلوا ركعتين اول متدخلوا البيت و تقولوا الدعاء وبس كده
وربنا يتمملكوا كلكوا بخير يارب ياعرايس
ولو فيه اااى سؤال على اد خبرتى الصغنوووونه فالجواز لمدة شهر واحد عنيا ليكوا وباذن الله هبقى انزل موضوع تانى على الجهاز والعفش والديكورات والدهانات ويكون باشييك حاجه وبرضه بسعر معقول انا مهندسة ديكور و كان نفسى اعمل كل الى بحلم بيه والحمدلله عملت منهم حجات وعلى اد الامكانيات برضه
WITH MY LOVE WITH MY LOVE 175003_10.gif فتكات ست الكل Fatakat 175003 قـــــــــــــــــــــــــ جوزى ـــــلب – حضـــــــ حبيبى ـــــــن